कोहलपुर/ कोहलपुरमा विभिन्न दलको सदस्यता त्यागेर ५० बढिले राष्ट्रिय प्रजातन्त्र पार्टी प्रवेश गरेका छन् ।
नव प्रवेशी कार्यकर्तालाई राप्रपा नेता तथा पूर्वमन्त्रीद्वय फत्तेसिंह थारु, प्रेम बहादुर भण्डारी र राप्रपा केन्द्रिय सम्पादन समिति सदस्य हिक्मत ढकालले टिका लगाएर स्वागत गरेका छन् ।

राप्रपा बाँके क्षेत्र नं. १ (ख) ले आयोजना गरेको शुभकामना आदान प्रदान कार्यक्रमका प्रमुख अथिति राप्रपा नेता तथा पूर्वमन्त्री थारुले बर्तमान व्यवस्था प्रणाली जनभावना विपरित रहेको टिप्पणी गरेका छन् । उनले राजाको शाशनकालमा जनता सुखी र सम्बृद्व रहेको बताए । राजनीतिका नाममा अहिले निकृष्ट कार्यहरु भइरहेको भन्दै राजनीतिक दलहरुका क्रियाकलापहरुबाट जनता राजतन्त्र सहितको प्रजातन्त्रका पक्षमा रहेको दावी गरेका छन् । बर्तमान समयमा सेना जस्तो सुरक्षा अंगलाई कमजोर पारेर गणतन्त्रवादीहरुले राष्ट्रियता खतरामा पारेको उनको भनाई छ ।

अर्का पूर्व मन्त्री तथा राप्रपा नेता प्रेम बहादुर भण्डारीले राप्रपाको संगठन टोल, वडा , नगर क्षेत्र हुँदै जिल्ला जिल्लामा विस्तार गरेर स्थानिय तहको चुनावमा बलियो उपस्थिती देखाउने बताएका छन् । राप्रपाको निष्ठा र विचालाई हरेक जनतामाझ पु¥याउन सके पार्टीले ठुलो सफलता हासिल गर्ने तर्क गर्दै अब राप्रपा निर्णायक राजनीतिक दलका रुपमा स्थापित हुने विश्वास व्यक्त गरेका छन् ।

यस्तै कार्यक्रमका विशिष्ठ अथिति राप्रपा केन्द्रिय कार्यसम्पादन समिति सदस्य तथा नेता हिक्मत ढकालले एकिकरण पछि पार्टीमा सामान्य विवाद देखिएतापनि हालै सम्पन्न एकताको महाधिवेशन अन्र्तगत सम्पन्न वडा, गा“उ÷नगर, क्षेत्र तथा जिल्ला अधिवेशनहरुले सबै विवाद समाधान गरेको दावी गरे । विभिन्न दल परित्याग गरेर पार्टी प्रवेश गरेका नब आगन्तुक कार्यकर्ताहरुलाई पार्टीले छिट्टै महत्वपूर्ण जिम्मेवारी दिने बताउँदै उनले राजा, हिन्दु राष्ट्रको पक्षमा बुलन्द आवाज उठाई जनताको भावना अनुरुपको राज्य व्यवस्था स्थापनामा राप्रपा सफल हुने विश्वास व्यक्त गरेका छन् ।

कार्यक्रममा राप्रपा केन्द्रिय सदस्यहरु खेमराज गौतम, टोपेन्द्र बहादुर शाही, प्रकाश शाह, रतिराम थारु, चक्र के.सी., तारक सिंह थारु, जन्म हमाल, राप्रपा क्षेत्र नं १ का क्षेत्रिय अध्यक्ष यमबहादुर रावत, राप्रपा जिल्ला अध्यक्ष नरेन्द्र कुमार पौडेल, लगाएत पार्टीको विभिन्न भातृ संगठन तथा शुभेच्छुक संगठनका नेता कार्यकता तथा क्षेत्र नं १ ख मा रहेका सम्पूर्ण वडाहरुको अध्यक्ष तथा सदस्यहरुको उपस्थिति रहेको कुरा मिडिया नेपालका केन्द्रिय उपाध्यक्ष श्रीधर सुबेदीले जनाएका छन् ।

कार्यक्रम राप्रपा बाँके क्षेत्र नं. १ (ख) का अध्यक्ष लाल बहादुर वलीको सभापतित्वमा सम्पन्न भएको थियो ।