यो योजना अन्तर्गत अक्टोबर १५ तारिखदेखि फेब्रुअरी ११ तारिखसम्म एक्स्चेञ्जको कुनै पनि शाखाबाट पैसा पठाउने मध्येबाट गोला प्रथा गरी विजेता छनौट गर्ने एक्सचेन्जले जनाएको छ । यो अवधिमा अल अहलिया एक्सचेन्ज मार्फत पैसा पठाउने ग्राहक छनोटमा पर्नेछन् ।

यूएईको स्थानीय प्रशासनका उच्च अधिकारीले डिजिटल प्रविधि मार्फत गोला प्रथा गरेर विजेता घोषणा गर्नेछन् । पहिलो गोला प्रथा फेब्रुअरी १४ मा आबुधावीमा, दुबईमा र शारजहामा रहेका शाखाहरूमा हुने छ ।

आबुधावीमा ४ वटा कार, दुबईमा ३ वटा र अन्य शाखाहरूमा ३ वटा गरी जम्मा १० वटा कार उपहार योजनामा राखिएको छ ।

त्यस्तै मेघा पुरस्कार अन्तर्गत १ किलो सुनको विजेता घोषणा दुबईको अलकुज शाखामा आउँदो फेब्रुअरी १५ तारिखमा सार्वजनिक गरिने एक्सचेन्जका नेपाल प्रमुख बेनी माधव ढकालले उज्यालोलाई जानकारी दिनुभयो ।

अल अहलिया एक्सचेन्जले गएको १० वर्षदेखि आफ्ना ग्राहक लक्षित विभिन्न योजना सार्वजनिक गर्दै आएको छ । कोरोना सङ्क्रमणका कारण गएको दुई वर्ष अफर ल्याउन नसकिएको एक्सचेन्जका बजार प्रमुख सन्तोष नाएरले बताउनुभयो ।