कोहलपुर/ ठुलो परिमाणमा प्रतिबन्धित लागु औषध चरेस सहित एक जना व्यक्तिलाई प्रहरीले प्रक्राउ गरेको छ ।

जाजरकोट जिल्ला नलगाड नगरपालिका निवासी बिर बहादुर मल्लको साथबाट १ केजी ३ सय ७५ ग्राम चरेस बैजनाथ–१ चिसापानीबाट इलाका प्रहरी कार्यालय कोहलपुर र लागु औषध नियन्त्रण ब्यूरोले मंगलबार विहान ११ः ४० बजे नियन्त्रणमा लिएको बताइएको छ ।

प्रहरी नियन्त्रणमा रहेका मल्लले जाजरकोटबाट विक्री प्रयोजनका लागि ल्याएको प्रतिबन्धित लागु औषध चरेस लुकाइराखेको सुराक प्राप्त भएपछि प्रहरीले मल्ललाई नियन्त्रणमा लिई खानतलासी गर्दा ठुलो परिमाणमा चरेस बरामद गरिएको प्रहरीले जानकारी दिएको छ ।