कोहलपुर/ पश्चिम क्षेत्रबाट पहिलोपटक होटल म्याक्स प्रा.ली.ले निकट दिनमा नाइट क्लब सञ्चालन गर्ने भएको छ । कोहलपुरबाट सेवा प्रवाह गरिरहेको होटल म्याक्सले सर्वसाधारण तथा आन्तरिक पर्यटकहरुको चाहनालाई लक्षित गरि सेवा प्रारम्भ गरेसँगै कोरोना संक्रमण काल शुरु भएकाले सेवा प्रवाहमा समस्या झेल्दै आएको थियो । होटलका प्रवन्धक जावेद अक्तरका अनुसार कोरोना महामारीको संक्रमणकाल विस्तारै हट्दै गइरहेकाले अब होटलले आफ्नो सेवा प्रवाहमा विशेष जोड दिनेछ ।

विशेष गरी पश्चिम क्षेत्रमा पहिलो पटक नाइट क्लब सञ्चालन गरी क्लवका पारखी युवाहरुलाई विशेष मनोरञ्जन प्रदान गर्ने उद्देश्य होटलको रहेको बताइएको छ । सोमबार होटल म्याक्सले आयोजना गरेको पत्रकार सम्मेलनमा होटलका प्रबन्धक अक्तरले नाइट क्लब सञ्चालका लागि सबै तयारी पुरा भइसकेको र केही प्रशानिक काम अन्तिम प्रक्रियामा रहेकाले निकट दिनमा नाइट क्लब सञ्चालन हुन गइरहेको जानकारी दिए । पत्रकार सम्मेलनमा होटलका फ्रन्ट डेस्क म्यानेजर माधव सुवेदीका अनुसार निकट दिनमा सञ्चालनमा आइरहेको नाइट क्वलमा ५० जनाले मनोरञ्जन लिन सक्नेछन् र त्यसका लागि सबै सुरक्षा मापदण्ड तथा आवश्यक व्यवस्थापकीय कार्य पुरा भइसकेको बताउँदै स्थानिय तथा सामान्य जीवनस्तर भएका सेवाग्राहीहरुले समेत सेवा लिन सक्ने बताएका छन् ।

वाहिर होटलका सम्वन्धमा गरिने चर्चा अनुसार होटलको सेवा त्यति महंगो नरहेको समेत सुवेदीले प्रष्ट पारेका छन् । युवाहरुको ज विशेष गरी उच्च श्रेणीको सेवा प्रभाव गर्दै आन्तरिक पर्या पर्यटन प्रवद्र्वन र विकासमा समेत टेवा पुरयाउने उद्देश्यले कोहलपुरमा ठुलो लगानीका साथ होटल सञ्चालनमा ल्याइएको व्यवस्थापन पक्षले जनाएको छ । अहिले होटलले ५० वटा सुविधासम्पन्न कोठाहरु, रुफ टप रेष्टुरेन्ट, स्विमिङ्ग पुल, ४ सय व्यक्ति क्षमताका २ वटा ठुला ब्यांक्वेट हल सहित लाइभ म्युजिक लगाएतका सेवा प्रभाव गरिरहेको छ ।