चाडपर्वको समयमा सामाजिक समस्याका रुपमा रहेको जुवाँ ताससम्ग सम्बन्धित गतिविधीहरु नियन्त्रण अभियानलाई कोहलपुर प्रहरीले तिब्र पारेको छ । प्रहरीको सक्रियता बढेसँगै नगर क्षेत्रमा ठुलो नगद राशीको जुवाँ तास खेल्ने र खेलाउने गतिविधीमा समेत कमी आएको छ ।

चाडपर्व लक्षित सुरक्षा रणनीति अनुसार प्रहरीले गस्ती तथा निगरानी बढाउने क्रमममा बैजनाथ गाउँपालिकाबाट जुँवा तास खेलमा संलग्न ३ जनालाई नियन्त्रणमा लिएको छ । इलाका प्रहरी कार्यालय कोहलपुरका अनुसार शनिवार विहान २ बजेको समयमा बैजानाथ–४ चिल्लेटामा रहेको एक नर्सरीमा जुवाँ तास खेल भइरहेको सूचना पाएपछि प्रहरीले ४० हजार नगद सहित ३ जुवाडेलाई प्रहरीले नियन्त्रणमा लिन सफल भएको छ । सालिग्राम थारुको नर्सरीमा हार जितको जुवाँ भइरहेको सूचना सादा पोषाकका प्रहरीमार्फत प्राप्त भएपछि सो स्थानमा पुगेको प्रहरी टोलीले जब्बर सिंह भियाल,इश्वर प्रसाद थारु र रामलाल थारु सहित नगद ४० हजार रुपैयाँ नियन्त्रणमा लिई कारवाहीको प्रक्रिया अगाडी बढाइएको कोहलपुर प्रहरी प्रमुख प्रहरी नायब उपरीक्षक रबिन्द्र खनालले जनाएका छन् । यस्तै जुवाँ खेलिरहेका दिनेश थारु, सहितराम थारु र नारायण थारु भागी फरार भएको प्रहरीले जनाएको छ । फरार जुवाडेहरुको खोजी कार्य तिब्र पारिएको र पक्राउ परेको जुवाडेहरुलाई जुवा ऐन अन्र्तगत कारवाही प्रक्रिया अगाडी बढाइएको कोहलपुर प्रहरीको भनाई छ । चाड पर्वको समयमा विशेष गरी ठुलो नगद राशीको जुवा ताससँग सम्बन्धित गतिविधीहरु नियन्त्रण गर्न कोहलपुर प्रहरीले चाड पर्व लक्षित सुरक्षा रणनीति कार्यान्वयनमा ल्याएको थियो ।