कोहलपुर/विगत केही दिनदेखिको अविरल वर्षाका कारण बढि प्रभावित बनेको किसान समस्या तत्काल समाधानका लागि राष्ट्रिय प्रजातन्त्र पार्टी निकटको ट्रेड युनियन महासंघ नेपाल (टुकोन) प्रदेश सरकारहरुलाई ध्यानाकर्षण गराएको छ ।

कर्णाली, लुम्बिनी र सुदुरपश्चिम प्रदेशका टुकोन प्रमुखहरुले संयुक्त प्रेस वक्तव्य जारी गर्दै तीन वटै प्रदेश सरकारले किसानहरुको अन्नवाली क्षती भएको लागत संकलन गरी तत्काल क्षतीपूर्ती उपलब्ध गराउन माग गरेको छ । जारी वक्तव्यमार्फत लुम्बिनी, कर्णाली र सुदुरपश्चिम प्रदेशका जिल्लाहरुमा वर्षापछि डुवान, बाढी र पहिरोमा ज्यान गुमाउने परिवारजनमा श्रद्वाञ्जली अर्पण गर्दै राहत एवम् क्षतीपूर्तीको उचित प्रबन्ध मिलाउन सम्बन्धित प्रदेश सरकारहरुलाई आग्रह गरिएको छ ।

टुकोन लुम्बिनी प्रदेश प्रमुख प्रमात कुमार श्रेष्ठ, टुकोन कर्णाली प्रदेश प्रमुख प्रेम खत्री र टुकोन सुदुरपश्चिम प्रमुख क्षेत्र शाहीद्वारा हस्ताक्षरित बक्तव्यमा किसानको लागत, भूमी र पूजी अनुसार राहत घोषणा गर्नुपर्ने माग गरिएको छ । अविरल वर्षापछिको डुवान तथा बाढीबाट जनजीवन प्रभावित र कष्टकर बन्दै गइरहेकाले किसानवर्गको आन्दोलन अगावै किसानहरुको पसिना, मेहनत, लागत पूजी तथा क्षेत्रफलको आधारमा निशुल्क कृषि बीमा लागु गरी धनजन तथा अन्नवालीमा भएको क्षती अनुसार तत्काल राहत उपलब्ध नगराए टुकानेले देशैभर कडा आन्दोलन गर्न बाध्य हुने टुकोन लुम्बिनी प्रदेश प्रमुख प्रमात कुमार श्रेष्ठले चेतावनी दिएका छन् ।

यस्तै राष्ट्रिय प्रजातन्त्र पार्टी लुम्बिनी प्रदेशले अहिलेको बदलिदो मौसमका कारण निम्तिएको प्राकृती विपत्तीका कारण भएको मानविय तथा धनजनको क्षती भएकोमा दुःख व्यक्त गरेको छ । प्रदेश अध्यक्ष प्रदिप कुमार उदयले विज्ञप्ति जारी गर्दै अविरल वर्षाकापछि आएको बाढी पहिरोले पु¥याएको क्षतीप्रति गम्भिर बन्दै सम्पर्क विहिनको तत्काल खोजी कार्य गर्न, उद्दार गर्न, राहत सामाग्री प्रदान गर्न, घाइतेहरुको तत्काल निशुल्क उपचारको व्यवस्था गर्न र धनजनको क्षती भएकालाई क्षतीपूर्ती उपलब्ध गराउन तथा प्रभावित परिवार एवम् नागरिकलाई सुरक्षित ठाउँमा स्थानान्तरण गर्न जोडदार माग गरिएको छ ।