बाँकेको बैजनाथ गाउँपालिका वडा नम्बर ४ बानियाभार मा एक महिलाको मृत्यु भएको छ । बारीमा बोडि टिप्न गएकी महिलाको करेन्ट लागेर ज्यान गएको हो । बर्दिया घर भएकी इन्द्रमाया देवी कवरको करेन्ट लागेर मृत्यु भएको हो ।उनी बैजनाथस्थित छोरीकाका घरमा बस्दै आएकी थिइन् । आइतबार देखि लगातार परेको पानी र हावाहुरी कारण विद्युतका पोल ढल्नुका साथै विजुलीको तार चुडिएर भुईमा लटरीएको ठाउमा बोडी टिप्न गएकोे बेला करेन्ट लागेर उनको मुत्यु भएको हो ।कोहलपुरस्थित विद्युत प्राधिकरणको लापरबाहीका कारण महिलाको ज्यान गएको भन्दै मृत्कका आफन्त तथा स्थानियले उक्त क्षेत्रमा सवारी चल्न दिएका थिएनन ।कोहलपुर देखि करिव ५ किलोमिटर त्तरमा रहेको बानियभार, सुर्खेत रोडमा स्थानीय वासिन्दाले सडकमा चक्काजाम गरेका छन ।विद्युत प्राधिकरणको लापरवाही गरी अटेरी गरेका कारण मानिसले ज्यान गुमाउनु गरेको मृतकका आफन्तको आरोप छ ।