बर्दिया/ राष्ट्रिय प्रजातन्त्र पाटी बर्दिया जिल्ला अधिवेशनबाट जिल्ला अध्यक्षमा भीम बहादुर बोहरा सर्वसम्मत चयन भएका छन् ।

राष्ट्रिय अधिवेशन तयारीमा जुटेको राष्ट्रिय प्रजातन्त्र पार्टीले वडा, नगर तथा निर्वाचन क्षेत्रहरुको अधिवेशन सम्पन्न गरिसकेपछि जिल्ला अधिवेशन अन्र्तगत बर्दियाको अधिवेशन सम्पन्न गरिएको हो । अधिवेशनबाट बोहराको नेतृत्वमा ३७ सदस्यिय जिल्ला कार्य समिति चयन भएको छ ।

राप्रपाको केन्द्रिय कार्यसम्पादन समिति सदस्य हिक्मत बहादुर ढकालको प्रमुख आतिथ्यतामा सम्पन्न अधिवेशनमा केन्द्रिय कार्यसम्पादन समिति सदस्यहरु गीता बस्नेत, सूर्य बहादुर सेन, केन्द्रिय सदस्य प्रभा के.सी., केन्द्रीय सदस्य नरुसुद्धिन सेख लगाएत केन्द्रिय तथा जिल्ला तहका पदाधिकारीहरुको सहभागिता रहेको थियो भने केन्द्रिय सदस्य बासुदेव शर्माको सभापतित्वमा सम्पन्न भएको हो ।

अधिवेशनलाई सम्बोधन गर्दै केन्द्रिय कार्यसम्पादन समति सदस्य ढकालले अधिवेशन भव्य रुपमा सफल भएको भन्दै खुशी व्यक्त गरेका छन् । उनले प्रजातान्त्रिक पद्वतीलाई आत्मसाथ गर्दै राप्रपाले दशकौदेखि नेतृत्व चयनलाई प्राथमिकता दिँदै आएकाले बर्दिया जिल्ला अधिवेशन सौहार्दपूर्ण तरिकाले सर्वसम्मत नेतृत्व चयन गरेर देशैभर एकताको सन्देश दिन पनि सफल भएको प्रतिक्रिया दिएका छन् । ढकालले हिन्दु राष्ट्र, राजसंस्थाको एजेण्डा राप्रपाले नै स्थापित गराएरै छोड्ने बताएका छन् । उनले अहिले देशभरमा अधिवेशन सम्पन्न भइरहेको हुँदा दोश्रो पुस्ता र पुस्तान्तरणको समय नभएको बताएका छन् । साथै उनले यो नगरपालिका र प्रतिनिधि सभा सदस्य भए जसरी पार्टीका संचालनका लागि सजिलो नभएको तर्क राखेका हुन् ।
राप्रपा संयुक्त र राप्रपा नेपालबीच एकिकरण पश्चातको हालको राष्ट्रिय प्रजातन्त्र पार्टीले संगठन सुदृढिकरण अभियान अन्र्तगत सबैै वडाहरुमा वडा समितिहरु विस्तार गरिसकेपछि पछि नगर तथा पालिका अधिवेशन सम्पन्न गरिसकेको छ ।

राप्रपा हाल जिल्ला अधिवेशनहरुलाई तिब्र पार्दै गइरहेको छ । देशैभर संगठन विस्तार र सुदृढिकरणमा आक्रामक रुपमा अगाडी बढेको राप्रपाले आउँदो कार्तिकमा पाटीको हुनइरहेको महाधिवेशनलाई लक्षित गरेर स्थानिय तह देखि निर्वाचन क्षेत्र, प्रदेश तहसम्म संगठन सुदृढिकरण अभियान शुरु गरेको थियो ।