कोहलपुर, २८ भदौ

नगर कार्य समितिको पदाधिकारी तथा सदस्यहरु सर्वसम्मत चयन भएपनि नगर अध्यक्षका लागि दुई जना तिब्र आकांक्षी देखिएपछि निर्वाचनबाट शाह अध्यक्षमा १सय ३१ मत सहित निर्वाचित भएका हुन् ।

नगर अध्यक्षको आकांक्षी सरिता शाहीले ८३ मत प्राप्त गरेको महाधिवेशन बाँके निर्वाचन समिति संयोजक रुद्रमणी न्यौपानेले जानकारी दिएका छन् । शाही अधिवेशन सम्पन्न हुनु अघिकी कोहलपुर नगर अध्यक्ष समेत हुन् । निर्वाचन संयोजक न्यौपानेका अनुसार कुल २ सय ४० मतदाता रहेकोमा २ सय १४ मत खसेको थियो । निर्वाचन संयोजक न्यौपानेका अनुसार ३२ सदस्य भने समर्वसम्मत चयन भएका छन् ।

नगर पदाधिकारी सर्वसम्मत निर्वाचित भएका ३२ सदस्यबाट चयन हुनेछन् । कोहलपुर नगर अधिवेशन सम्पन्न गर्न राप्रपाले न्यौपाने संयोजक रहने गरी मोहम्मद खालिब इकवाल इराकी र तिलक बहादुर शाही सदस्य रहने गरी निर्वाचन समितिलाई जिम्मेवारी दिएको थियो । नगर अधिवेशन भव्य रुपमा सफल भएको भन्दै राप्रपा केन्द्रिय कार्यसम्पादन समिति सदस्य हिक्मत ढकालले खुशी व्यक्त गरेका छन् । उनले प्रजातान्त्रिक पद्वतीलाई आत्मसाथ गर्दै राप्रपाले दशकौदेखि नेतृत्व चयनलाई प्राथमिकता दिँदै आएकाले कोहलपुर नगर अधिवेशनमा पनि प्रजातान्धिक अभ्यास गरिएको बताए । उनले नगर अध्यक्ष पदमा दुई जनाको तिब्र आकांक्षा देखिएकाले निर्वाचनमा जानुपरेको बताए ।

३२ सदस्यिय नगर सदस्य भने सर्वसम्मत रुपमा चयन गरेर कोहलपुरले एकताको शन्देस दिन सफल भएको प्रतिक्रिया दिए । नगर अधिवेशनमा राप्रपा केन्द्रिय उपाध्यक्ष धवल सम्शेर राणा, राप्रपा नेता तथा पूर्व मन्त्री प्रेम बहादुर भण्डारी, कार्यसम्पादन समिति सदस्य ढकाल सहित राप्रपा केन्द्रिय सदस्य प्रकाश शाह, जन्म कुमारी हमाल, चक्र बहादुर के.सी.,राप्रपा क्षेत्र नं. १ का क्षेत्रीय संयोजक यम बहादुर रावत, राप्रपा बाँके जिल्ला सदस्य श्रीधर सुवेदी, लाल बहादुर वली, राप्रपा महिला संघ केन्द्रिय सदस्य लक्ष्मी हमाल, टुकोन लुम्बिनी प्रदेश संयोजक प्रमात कुमार श्रेष्ठ, निर्वाचन सदस्य तिलक शाही लगाएत अगुवा नेता कार्यकर्ताहरुको सहभागिता रहेको थियो ।

कोहलपुर नगरपालिका अन्र्तगतका १५ वटै वडाका वडा कार्यसमिति पदाधिकारीहरुले नगर समिति चयनका लागि मतदान गरेका थिए । राप्रपा संयुक्त र राप्रपा नेपालबीच एकिकरण पश्चातको हालको राष्ट्रिय प्रजातन्त्र पाटीले संगठन सुदृढिकरण अभियान अन्र्तगत कोहलपुर नगरपालिकाका सबै वडाहरुमा वडा समितिहरु विस्तार गरिसकेपछि पछि नगर अधिवेशन सम्पन्न गरेको हो । देशैभर संगठन विस्तार र सुदृढिकरणमा आक्रामक रुपमा अगाडी बढेको राप्रपाले आउँदो कार्तिकमा पाटीको हुनइरहेको महाधिवेशनलाई लक्षित गरेर स्थानिय तह देखि निर्वाचन क्षेत्र, प्रदेश तहसम्म संगठन सुदृढिकरण अभियान शुरु गरेको थियो ।