अनेरास्ववियू क्रान्तिकारीकी उपाध्यक्ष पन्चा सिंहले एमसीसी खारेजका लागि आफूहरु निर्णाय आन्दोलन गर्न तयार रहेको बताएकी छिन् ।
अनेरास्ववियू क्रान्तिकारी कपिलवस्तु जिल्लाको २० औं जिल्ला सम्मेलनमा सिंहले एमसीसी परियोजना तत्काल खारेज गर्नका लागि निर्णायक आन्दोलन गर्न आफूहरु तयारी अवस्थामा रहेको बताएकी हुन् । उनले सम्पूर्ण यूवा विद्यार्थीलाई राष्ट्रिय स्वाधिनताका निमित्त एक ढिक्का हुन आग्रह समेत गरेकी छिन् । सिंहले अबको विद्यार्थी आन्दोलन पृथक ढंगले अगाडि बढाइने समेत बताइन् ।
अबको विद्यार्थी आन्दोलनको मुख्य नेतृत्व अनेरास्ववियू क्रान्तिकारीले गर्ने भन्दै एमसीसी परियोजनाका विरुद्धमा पनि निर्णायक आन्दोलन अनेरास्ववियू क्रान्तिकारीकै हुने सिंहको भनाइ छ । साथै वर्तमान सरकारले संसदमा पेश गरेको जनप्रिय प्रतिस्थापन विधेयकले एमालेलाई ऐठन बनाएको भन्दै कटाक्ष हान्दै सरकारले गरेका सकारात्मक कदमको स्वागत गर्नसक्ने मनोभावको विकास गर्न उनले एमाले नेता कार्यकर्तालाई आह्रग समेत गरेकी छिन् ।