कोरोना संक्रमणका कारण गत वैशाखदेखि बन्द भएका विद्यालय बाँकेमा आज सोमवारदेखि सञ्चालनमा आएका हुन् । शैक्षिक संस्थाहरुमा भौतिक उपस्थितीमै कक्षाहरु सञ्चालनमा आएका हुन् । बाँकेको नेपालगञ्ज उपमहानगरपालिका र डुडुवा गाउँपालिकाका विद्यालयहरुमा बिद्यार्थीको भौतिक उपस्थितीमै कक्षाहरु आज देखि
सञ्चालनमा आएका छन् । हिज आइतवारदेखिनै विद्यालय खोल्ने तयारी भएपनि थारु समुदायको अटवारी पर्वका कारण सार्वजनिक विदा भएकाले आज देखि बिद्यालय खुलेका हुन् । यसअघि जानकी, बैजनाथ र नरैनापुर गाउँपालिकाका विद्यालय सञ्चालनमा आइसकेका छन् । राप्तीसोनारीका विद्यालयभने मंगलवारदेखि खुल्ने छन् ।