भदौ २२,कोहलपुर

कोहलपुर नगरका सबै वडामा राप्रपाकाे वडा अधिवेशन सम्पन्न काेहलपुर/ राप्रपा संयुक्त र राप्रपा नेपालबीच एकिकरण पश्चातको हालको राष्ट्रिय प्रजातन्त्र पार्टीले संगठन सुदृढिकरण अभियान अन्तर्गत कोहलपुर नगरपालिकाका सबै वडाहरुमा वडा अधिवेशन सम्पन्न गरेकाे छ ।

नगरका १५ वटै वडामा सर्वसम्मत रुपमा नेतृत्व चयन गर्दै वडा अधिवेशन सम्पन्न भएकाे हाे । देशैभर संगठन विस्तार र सुदृढिकरणमा आक्रामक रुपमा अगाडी बढेको राप्रपाले आउँदो कार्तिकमा पाटीको हुनगइरहेको महाधिवेशनलाई लक्षित गरेर स्थानिय तह देखि निर्वाचन क्षेत्र, प्रदेश तहसम्म संगठन सुदृढिकरण अभियान तथा अधिवेशन शुरु गरेको छ ।

अभियान अन्तर्गत वडा अधिवेशनलाई तिब्र पारेको राप्रपाले कोहलपुर नगरपालिका वडा नं. १ को अध्यक्षमा सुमन के.सी., वडा नं. २ मा सुरज लाल थारु, ३ मा आकाश हमाल, ४ मा रहमत तुल्ला गुजर, ५ मा युवराज शाही, ६ मा तिलक बहादुर चन्द, ७ मा जंगली थारु, ८ मा इश्वरी वली, ९ मा निशान्त चौधरी, १० मा सुरेश कुमार बुढाथोकी, ११ मा कपिल शाह, १२ मा चुफालाल रेग्मी, १३ मा भिम बहादुर डांगी, १४ मा विकास थापा र १५ मा राम कुमार यादव वडा अध्यक्षमा चयन भएका छन् । अधिवेशनबाट सबै वडाहरुमा १६ सदस्यि कार्यसमिति चयन गरिएको छ ।

बाँकी ५ जना सदस्य वडा समितिले मनोनित गर्नेछ । नगर वडा अधिवेशनहरु राप्रपा केन्द्रिय कार्यसम्पादन समिति हिक्मत ढकालको प्रमुख आथित्यता तथा महाधिवेशन बाँके निर्वाचन समिति संयोजक रुद्रमणी न्यौपानेको उपस्थितीमा सम्पन्न गरिएका थिए ।

अधिकांश वडा अधिवेशनहरुमा राप्रपा केन्द्रिय सदस्य प्रकाश शाह, जन्म कुमारी हमाल, चक्र बहादुर के.सी.,राप्रपा क्षेत्र नं. १ का क्षेत्रीय संयोजक यम बहादुर रावत, राप्रपा बाँके जिल्ला सदस्य श्रीधर सुवेदी, अर्जुनजंग शाह, लाल बहादुर वली, राप्रपा महिला संघ केन्द्रिय सदस्य लक्ष्मी हमाल, कोहलपुर नगर अध्यक्ष सरिता शाही, टुकोन लुम्बिनी प्रदेश संयोजक प्रमात कुमार श्रेष्ठ, निर्वाचन सदस्य तिलक शाही लगाएत अगुवा नेता कार्यकर्ताहरुको सहभागिता रहेको थियो ।