सुर्खेत/ पश्चिम सुर्खेतको वराहाताल गाउँपालिकाको ओदालतालबाट प्रहरीले अवैध काठसहित चार वटा ट्रक नियन्त्रणमा लिएको छ । करिब दुइ हजारभन्दा बढी क्यु फिट साल जातको काठ प्रहरीले बरामद गरि डिभिजन वन कार्यालयमा बुझाएको हो ।

दिपमाला सवमिलका संचालक राजेन्द्र गिरीले ल्याउँदै गरेको अवैध काठ बरामत गरिएको हो । पश्चिम बेतान कुल्लुबाट वीरेन्द्रनगर ल्याउँदै गरेको उक्त काठ प्रदेश प्रहरी कार्यालय विउरो टोलीले नियन्त्रणमा लिएको हो । १६ सय ५५ क्यु फिट काठ ल्याउने स्वीकृती लिइएपनि उनिहरुले ठुलो मात्रामा अवैध काठ ल्याउन लागेको सुचना पाएपछि प्रहरीले काठ नियन्त्रणमा लिएको छ ।

डिभिजन वन प्रमुख गोविन्द दाहालले काठ स्वीकृती लिएको भन्दा बढी ल्याएकाले भन्दै काठ कती मात्रामा छ भने अहिले नै एकिन नभएको बताउनुभयो । उहाले यो काठ अन्यत्र क्षेत्रबाट आएको हुँदा आफुले कारवाही गर्न नमिल्ने बताउदै यसका लागि प्रदेश वन निर्देशनालयमा पठाइने बताउनुभयो । आवश्यक छानबिनपछि दोषी ठहरिय वन ऐन अनुसार कारवाही हुने उहाको भनाई छ । ट्रक चालक र सहचालकलाई प्रहरीको निगरानीमा राखिएको छ ।