ठुलो परिमाणमा अवैध सुन बाँके प्रहरीले नेपालगञ्ज एयरपोर्टबाट २ जना व्यक्ति सहित नियन्त्रणमा लिएको छ ।
काठमाण्डौबाट ४ः२५ बजे नेपालगञ्जका लागि उडान भरेको श्री एयरलायन्सको विमानबाट यात्रा गरेर आएका झापा गरमानि गाउपालिका–५ का अभिर लगुन विश्वकर्मा र बुद्विमान खातीलाई प्रहरीले चेकजाँच गर्दा अन्दाजी ४ के.जी. सुन सहित प्रहरीले नियन्त्रणमा लिएको हो । यस विषयमा जिल्ला प्रहरी कार्यालय बाँकेका प्रवक्ता प्रहरी नायब उपरीक्षक मधुसुधन न्यौपानेसँग जानकारी लिन सम्पर्क गर्दा यस विषयमा थप अनुसन्धान भइरहेको बताए । सुन चाँदी व्यवसायी संघका अध्यक्ष सहितको विज्ञ टोली नियन्त्रणमा लिएको सुनबारे छानविन भइरहेको बताए । अनुसन्धान पछि वास्तविक तथ्य वाहिर आउने र अहिले आवश्यक अनुसन्धान भइरहेको बाँके प्रहरी प्रवक्ता न्यौपानेले जानकारी दिए ।
(प्रहरीद्वारा तथ्य सार्वजनिक गरिएपछि विस्तृत समाचार यसै न्यूज पोर्टलमा प्रकाशन गरिनेछ ।)