बाँकेमा संगठन विस्तार र सुदृढिकरणमा आक्रामक रुपमा अगाडी बढेको राष्ट्रिय प्रजातन्त्र पार्टीले कोहलपुर नगर क्षेत्र अन्र्तगतका वडाहरुमा वडा कार्य समितिहरु विस्तार गरेको छ ।
आउँदो कार्तिकमा राप्रपाको हुन गइरहेको महाधिवेशनलाई लक्षित गरेर स्थानिय तह देखि निर्वाचन क्षेत्र, प्रदेश तहसम्म संगठन सुदृढिकरण अभियान अन्र्तगत शुक्रवार कोहलपुर नगरपालिकाका ६ वटा वडामा कार्यसमिति विस्तार गरिएको हो । शुक्रवार राप्रपाले कोहलपुर नगर अन्र्तगत १ देखि ५ नम्वर वडा र ११ नं. वडाको कार्यसमिति विस्तार गरेको छ ।

शुक्रवार गठन भएका सबै वडामा १६ सदस्यिय कार्यसमिति चयन गरिएको राप्रपा केन्द्रिय कार्य सम्पादन समिति सदस्य हिक्मत ढकालले जानकारी दिए । वडा नं. १ को अध्यक्षमा सुमन के.सी., वडा नं. २ मा सुरज लाल थारु, ३ मा आकाश हमाल, ४ मा रहमत तुल्ला गुजर, ५ मा युवराज शाही र ११ मा कपिल शाह वडा कार्यसमिति अध्यक्षमा चयन भएका छन् । कार्यसमिति विस्तार गरिएका सबै वडाहरुमा एकिकरण पछिको राप्रपा निकट कार्यकर्ताहरुको उपस्थितीमा समिति विस्तार गरिएको हो । वडा समिति विस्तार कार्यक्रममा राप्रपाका केन्द्रिय कार्यसम्पादन समिति सदस्य ढकाल, राप्रपा केन्द्रिय सदस्य प्रकाश शाह, जन्म कुमारी हमाल, चक्र बहादुर के.सी.,राप्रपा क्षेत्र नं. १ का क्षेत्रीय संयोजक यम बहादुर रावत, राप्रपा बाँके जिल्ला सदस्य श्रीधर सुवेदी, अर्जुनजंग शाह, लाल बहादुर वली, राप्रपा महिला संघ केन्द्रिय सदस्य लक्ष्मी हमाल, कोहलपुर नगर अध्यक्ष सरिता शाही, टुकोन लुम्बिनी प्रदेश संयोजक प्रमात कुमार श्रेष्ठ, महाधिवेशन बाँके निर्वाचन समिति संयोजक रुद्रमणी न्यौपाने, निर्वाचन सदस्य तिलक शाही लगाएत अगुवा नेता कार्यकर्ताहरुको सहभागिता रहेको थियो ।