हिन्दु धर्मावलम्वी नेपाली नारीको महान चाड हरितालिका तिज विशेष गीतहरु धेरै कलाकारहरुले बजारमा ल्याइरहेका बेवा कलाकार बिर्ख विश्वकर्माले पनि “अब त अति भो” तिज विशेष प्रस्तुती बजामा ल्याएका छन् ।
हरितालिका तीज को अवसर पारेर लक्ष्मी नाथ तिमिल्सिनाले निर्माण गरेको मार्मिक तीजको गीत अब अति भो b4media यु ट्युब च्यानल बाट सार्वजनिक गरिएको हो । विर्ख विश्वकर्मा, सुनिता बुढा र कल्पना सुनारको स्वर रहेको गीत रिलिज भएसँगै सामाजिक सञ्जाल यु ट्युबमा राम्रो भ्यू कमाउन सफल भइरहेको छ । मञ्जरी गीतमा आवाज दिएपछि साँगितिक क्षेत्रमा आफ्नो छुट्टै पहिचान बनाउन सफल गायक वि.क.ले तिजको मौलिकतालाई ध्यानमा राखेर माइत जान इच्छा देखाइरहेकी चेलीको पीडा र बेदनालाई प्रस्तुत गरिएको छ । मदिराको लतमा फसेका श्रीमानबाट श्रीमतीले भोगिरहेको मानसिक तनाव, उनका दुःख र पीडालाई गीतले मात्र नभएर गीतको म्युजिक भिडियोमा अनिनय गर्ने कलाकारहरुले जीवन्त अभियन गरेकाले दर्शक श्रोताको रोजाईमा यो गीत परिरहेको छ ।
दोहोरी गायन मा आफ्नो अभूतपूर्व प्रतिभा देखाएर चर्चित हुन सफल आयुषा गौतम को समेत अभिनय रहेको यस भिडियो मा किशोर भण्डारी (डिठ्ठा साब) लक्ष्मी नाथ तिमिल्सिना राधा श्रेष्ठ रचना पौडेल अनु पराजुली विकास भण्डारी रोहित ओली कृष भण्डारी हिरोज सोनी सुनिल राज तिमिल्सिना मनोज नेपाल र माधव प्रसाद भण्डारीको अभिनय रहेको छ ।

दुर्लभ श्रेष्ठको छायांकन गायत्री पाण्डे (गायु) को श्रृंगार रहेको यो गीतको निर्देशन तथा सम्पादन अर्जुन थापाले गरेका छन् । आफ्ना बाबु आमा को अनुहार समेत याद नरहेको बताउने टुहुरा बिर्ख विश्वकर्मा को सुमधुर आवाज ले सजिएको यो गीतमा गायक वि.क. ले संगीत पनि दिएका छन् । तीजको अवसर मा विभिन्न विवादास्पद गीत हरु समेत सार्वजनिक भइरहेको अवस्थामा यो गीतले मौलिक संस्कृतीको संरक्षण र सम्बद्र्वनमा टेवा पुर्याउन मद्दत मिल्ने निर्माण समूहले विश्वास व्यक्त गरेको छ ।

भिडियो-