भदौ १६

कर्णाली प्रदेश सभाका तीन जना सांसद्ले नेकपा (एकीकृत समाजवादी) को पक्षमा सनाखत गरेका छन्। सुर्खेतस्थित निर्वाचन आयोगको कार्यालयमा पुगेर उनीहरुले समाजवादीको पक्षमा सनाखत गरेका हुन्।

मुगुका सांसद् चन्द्र बहादुर शाहीले आफूसहित रुकुमकी सांसद देवी ओली र जुम्लाका सांसद् पदमबहादुर रोकायाले समाजवादीको पक्षमा हस्ताक्षर गरेको जानकारी दिए।

कर्णाली प्रदेश सभाका सदस्यमध्ये खुलेर लागेका बहालवाला सांसद्हरुमा ओली र शाही मात्र देखिएका थिए। आज रोकायाले पनि सनाखत गरेपछि यो पक्षमा अझ पनि सांसद रहेको भन्ने देखिएको छ।

अझै पनि केही सांसदहरुले हस्ताक्षर गर्ने दावी सांसद् चन्द्र बहादुर शाहीले गरे। ‘लोकतन्त्रमा दल रोज्न पाउने व्यवस्था हुन्छ नै, हाम्रो अरु साथीहरुसँग पनि छलफल भईरहेको छ,’ शाहीले भने, ‘समाजवादीको पक्षमा हस्ताक्षर गर्ने सांसद्को संख्या बढ्छ ।’

एमालेभित्रको समूहगत विभाजनका क्रममा ६ जना सांसद्हरु माधव नेपाल पक्षमा लागेका थिए। वैशाख ३ गते मुख्यमन्त्री महेन्द्र बहादुर शाहीले विश्वासको मत लिँदा चारजनाले फ्लोर क्रस गरेपछि एमालेले सांसद्बाट मुक्त गरेको थियो।