काठमाडौँ, भदौ १६

छेऊछेऊमा बोलको गीतबाट सर्बाधिक चर्चा कमाएका सर्जक प्रविन भट्टले यस वर्ष बजारमा ल्याएको छेऊछेऊमाको सिक्वेलले पनि चर्चा बटुलेको छ ।
गत वर्षको लकडाउनमा आफ्नै. स्वर, शब्द र संगीतमा रिलिज गरेका प्रविणको “छेउछेउमा” लाई दर्शकहरुले अत्यधिक रुचाएका थिए । त्यसपछि यस गीतलाई लिएर टिकटिक प्रयोगकर्ताहरुले लाखौ भिडियो बनाए अनि प्रविणको पनि चर्चा चुलियो ।

म्युजिक भिडियो सम्पादनमा अब्बलता देखाउँदै लोकप्रिय प्रविणले छेऊछेऊमा पछि साँगितिक क्षेत्रमा पनि आफ्नो बलियो उपस्थिती देखाए । छेऊछेऊमाको लोकप्रियता बढेसँगैउनले यसवर्ष छेऊछेऊमाको सिक्वेल पनि बजारमा ल्याएका छन् । लिरिज लगत्तै म्युजिक भिडियोले सामाजिक सञ्जाल यु ट्युबमा चर्चा बटुलिरहेको छ । दर्शक स्रोताको अत्याधिक पर्खाइमा रहेको उक्त गीत “भिडियो भकारी” नामक युट्युब च्यानलबाट रिलिज भएको हो । छेउछेउमाको दोस्रो भागलाई “कल्ले देला वर” नामाकरण गरिएको छ ।

गीतमा प्रबिनकै धमाकेदार आवाज रहेको छ । गीतमा हरि गिरी ‘विमर्शी’को शब्द अनि संगीत छ । गीतको अरेन्जमेन्ट एचबिएन किस्मतले गरेका छन् । गीतको अडियो बबाल लाग्नेगर्छ। प्रबिनको गायिकी पनि उत्कृष्ट सुनिएको छ ।
गीतको अडियो जति धमाकेदार सुनिएको छ, भिडियो झन दमदार अनि आकर्षक बनेको छ । भिडियोमा लोकप्रिय कलाकार हरिष निरौला ‘कक्रोज’, उषा उप्रेती , पृयणा आचार्य ‘मुन्नी’ लगायतका कलाकारहरुको गजब अभिनय सहित दमदार डान्स देख्न सकिन्छ ।
त्यसो त प्रबिन र अर्को कलाकार श्रेया सिटौला पनि भिडियोमा रहेका छन् ।

स्पेशल रोलमा प्रबिन र श्रेयालाई भिडियोमा देखाइएको छ । भिडियोका निर्देशक मौसम हिमाली हुन् ।
आकर्षक फ्रेम अनि लोकेशनमा अजय रेग्मीले खिचेको भिडियोलाई प्रबिन स्वयंले नै सम्पादन गरेका छन् भने भिडियोको कलर ग्रेडिङ मिलन विश्वकर्माले गरेका हुन् ।