काठमाडौँ, १५ भदौ। मनसुनी वायुको प्रभाव रहेपनि केही दिन यतादेखि सक्रिय रहेको मनसुन क्रमशः कमजोर हुँदै जाने भएको छ । 

पूर्वी तराईको भूभाग नजिक रहेको मनसुनको न्यूनचापीय रेखा औसत भन्दा केही तल झरेकोले वर्षा कम हुने मौसमविद् सजिना शाक्यले जानकारी दिइन् । ‘सोमबारदेखि नै मौसममा केही सुधार आएको छ । अहिले मनसुनी न्यूनचापीय रेखा औसत भन्दा केही तल झरेको अवस्था छ । यद्यपी, वर्षा नै हुँदैन भन्न चाँहि मिल्दैन ।’ उनले भनिन् । 

मौसमविद् शाक्यका अनुसार केही दिनदेखिको भारी वर्षामा सुधार हुने र वर्षाको मात्रा कम हुने साथै केही स्थानमा पानी परेपनि केही स्थानमा घाम लाग्ने सम्भावना रहेको छ ।

जल तथा मौसम पूर्वानुमान महाशाखाका अनुसार हाल देशभर सामान्य बदली रही प्रदेश नं १,  गण्डकी प्रदेश, कर्णाली प्रदेश र सुदूरपश्चिम प्रदेशका थोरै  स्थानहरूमा  हल्का देखि मध्यम वर्षा भइरहेको छ।

आगामी तीन दिनको मौसम पूर्वानुमान
मंगलबार
दिउँसो : देशभर सामान्य बदली रही केही स्थानहरुमा हल्का देखि मध्यम वर्षाको सम्भावना रहेको छ। सुदूरपश्चिम प्रदेशका एक-दुई स्थानमा मेघ गर्जनरचट्याङ्ग सहित भारी वर्षाको सम्भावना रहेको छ।

राती: देशभर सामान्य बदली रही केही स्थानहरुमा हल्का देखि मध्यम वर्षाको सम्भावना रहेको छ। बागमती प्रदेशका एक-दुई स्थानमा मेघ गर्जनरचट्याङ्ग सहित भारी वर्षाको सम्भावना रहेको छ।

बुधबार
दिउँसो: देशभर सामान्य बदली रही केही स्थानहरुमा मेघ गर्जनरचट्याङ्गसहित हल्का देखि मध्यम वर्षाको सम्भावना रहेको छ।

राती:देशभर सामान्य बदली रही केही स्थानहरुमा हल्का देखि मध्यम वर्षाको सम्भावना रहेको छ। प्रदेश नं १ का एक-दुई स्थानमा मेघ गर्जनरचट्याङ्ग सहित भारी वर्षाको सम्भावना रहेको छ।

बिहीबार
दिउँसो: देशभर सामान्य बदली रही केही स्थानहरुमा हल्का देखि मध्यम वर्षाको सम्भावना रहेको छ। 

राती: देशभर सामान्य देखि पूर्ण बदली रही केही स्थानहरुमा हल्का देखि मध्यम वर्षाको सम्भावना रहेको छ। प्रदेश नं १, बागमती र गण्डकी प्रदेशका एक(दुई स्थानमा मेघ गर्जनरचट्याङ्ग सहित भारी वर्षाको सम्भावना रहेको छ।