१३ भदौ, काठमाडौं । जिल्ला प्रशासन कार्यालय गोरखाले आईतवारदेखि बार अनुसार सेवा दिने भएको छ ।

१० दिन सम्म पूर्ण रुपमा सेवा बन्द रहेको कार्यालयले आईतवारदेखि भने कार्यालया भिडभाड कम गर्न पालिका अनुसार बार तोकेर सेवा निर्धारण गरेको हो ।

गोरखा नगरपालिका, आरुघाट गाउँपालिका र धार्चे गाउँपालिकाका सर्वसाधारणले आईतवार र सोमबार सेवा पाउनेछन् भने मंगलवार र बुधवार पालुङटार नगरपालिका, सिरानचोक गाउँपालिका र गण्डकी गाउँपालिका भित्रका नगारिकले सेवा पाउनेछन् ।

बिहीवार र शुक्रवार भिमसेन थापा, शहीदलखन, बारपाक सुलिकोट, अजिरकोट र चुमनुब्री गाउँपालिकाका सर्वसाधारणले सेवा पाउने जिल्ला प्रशासन कार्यालयका प्रशासकिय अधिकृत हर्कबहादुर रोकाले बताए ।