आज बाँकेमा थप ३३ जनामा कोरोना संक्रमण पुष्टि भएको छ । जिल्लाको तीन वटा प्रयोगशालामा १९१ जनाको परीक्षण गर्दा ३३ जनामा संक्रमण पुष्टि भएको हो ।

भेरी अस्पतालमा १ सय जनाको कोरोना संक्रमण परीक्षण गर्दा २१ जना, मेडिकल कलेज कोहलपुरमा ५२ जनाको कोरोना संक्रमण परीक्षण गर्दा ११ र बागेश्वरी ल्याबमा ३९ जनाको कोरोना संक्रमण परीक्षण गर्दा १ जनामा कोरोना संक्रमण पुष्टि भएको जिल्ला कोभिड व्यवस्थापन केन्द्रका फोकल पर्सन तेल वलीले जानकारी दिए ।

यस्तै गरी आज मात्रै कोरोनामुक्त भएर ३० जना डिस्चार्ज भएका छन् । योसँगै हालसम्म डिस्चार्ज हुनेको संख्या १७ हजार ५ सय ३० पुगेको छ ।