आज बाँकेका विभिन्न प्रयोगशालामा पीसीआर परीक्षण गर्दा आज ५१ जनामा कोरोना संक्रमण फेला परेको हो । तीनवटा प्रयोगशालामा २ सय १८ नमुना परीक्षण गर्दा ५१ जनामा कोरोना संक्रमण फेला परेको हो ।

भेरी अस्पतालमा ४०, मेडिकल कलेज कोहलपुरमा ९ जना र बागेश्वरी प्रयोगशालामा २ जनामा कोरोना संक्रमण पुष्टि भएको जिल्ला कोभिड ब्यबस्थापन केन्द्र बाँकेका फोकल पर्सन तेज ओलीले जानकारी दिएका छन् । आज संक्रमण पुष्टि भएकामध्ये बाँकेका ३५ जना छन् । कोहलपुरका २५, नेपालगञ्जका ८, डुडुवा र खजुरा गाउँपालिकाका १–१ जना रहेका छन् । यो सँगै बाँकेमा कुल संक्रमितको संख्या १७ हजार ९ सय ६७ पुगेको छ ।

यस्तै आज १५ जना डिस्चार्ज भएका छ्न । योसंगै डिस्चार्ज हुनेको संख्या १७ हजार ५ सय पुगेको छ ।