काठमाडौँ, ७ भदौ। गाडीमा यात्रा गर्दा बान्ता हुने समस्या धेरैलाई हुन्छ । विशेषगरी धेरै घुम्तीहरु भएको अप्ठेरो बाटोमा बान्ता आउने सम्भावना बढी हुन्छ । यदि तपाईंहरुमा पनि गाडीमा यात्रा बान्ता हुने समस्या छ भने यी उपाय तपाईका लागि उपयोगी हुन सक्छन।

-यात्रामा निस्किनुपुर्व खाली पेट नराख्नुस साथै पेट टन्न हुनेगरी भारी खानेकुरा पनि नखानुहोस्। चिल्लो पिरो अमिलो खानेकुराबाट टाढा रहनुहोस।

-गाडीको झ्यालको सिसा ड्यामडुम बन्द नगर्नुहोस् । गाडीभित्र हावा पस्न दिनुहोस ।

-गाडी चढ्दा मुखमा अदुवाको सानो टुक्रा वा चकलेट राख्नुस । यसबाट वान्ता आउने जोखिम कम हुन्छ । यसका अलावा यात्रा गर्नुपूर्व अदुवा राखिएको चिया पिउनाले पनि फाइदा मिल्छ ।

-गाडीमा यात्रा गरिरहँदा किताब पढ्ने वा मोबाइल चलाउने गर्नाले हाम्रो ध्यान यात्रा गरिरहेको भन्ने कुराबाट हट्छ र यात्रा रोमान्चक हुन्छ।

– यात्रा गर्दा आफ्नो रुमालमा पुदिनाको तेलको केही थोपा छर्किने र त्यसलाई बेलाबेलामा सुँघिरहनाले पनि यस समस्याबाट केहि राहत पुन सकिन्छ। यसका अलावा पुदिनायुक्त चिया पिउनु पनि फाइदाजनक छ।