काठमाडाैं, भदौ ३

नेकपा एमाले र जनता समाजवादी पार्टी (जसपा) विभाजन गर्ने गरी आएको राजनीतिक दलसम्बन्धी अध्यादेशविरुद्ध सर्वोच्च अदालतमा ४ वटा रिट निवेदन पेश भएको छ ।

दल विभाजनका लागि राजनीतिक दलसम्बन्धी ऐनमा रहेको विद्यमान व्यवस्थालाई संशोधन गर्ने गरी आएको अध्यादेशविरुद्ध ५ वटा रिट पेश भइसकेको सर्वोच्च अदालत स्रोतले जानकारी दियो ।

हालसम्म अर्जुन अर्याल र सकुन्तला भुसाल,​ निकेशकुमार लम्साल र अनुपा अर्याल, प्रवेश केसी तथा​ श्रीकान्त बरालले चार छुट्टाछुट्टै रिट दायर गरेका हुन् ।

सबै रिट दर्ताको प्रक्रियामा रहेका छन् । मन्त्रिपरिषद्को सिफारिशमा राष्ट्रपति विद्यादेवी भण्डारीले बुधवार अध्यादेश जारी गरेकी थिइन् ।

अध्यादेश आएलगत्तै एमालेको माधव नेपाल पक्षले एमाले (समाजवादी) र जसपाको महन्थ ठाकुर पक्षले जसपा (लोकतान्त्रिक) दर्ता गरिसकेका छन् ।