२ भदौ, काठमाडौं । तालिवानले अफगानिस्तान पूर्ण रूपमा कब्जा गरेसँगै अफगानी राष्ट्रपति असरफ घानीले देश छाडेका छन् । उनी विशेष विमानमार्फत ताजकिस्तानका लागि उडेका थिए। तर, ताजकिस्तानले उनको विमानलाई अवतरण गर्न नदिएपछि उनी अहिले ओमन पुगेका हुन्।

२० अर्ब रुपैयाँ हेलिकोप्टरमा बोकेर परिवारसहित युएई पुगे अफगानस्तानका पूर्वराष्ट्रपति अशरफ घनी

अन्तर्राष्ट्रिय सञ्चारमाध्यमहरूका अनुसार उनी छिट्टै अमेरिका जाने तयारीमा छन्। रसियन राजदूतावासले राष्ट्रपति घानीले चारवटा कार र एउटा हेलिकाेप्टरभरि पैसा बोकेर अफगानिस्तान छाडेको बताएको छ। रसियन राजदूतावासका प्रवक्ता निकिता इस्चेंकाेले भनेका छन्, ‘चारवटा कार पैसाले भरिएका थिए। उनीहरू हेलिकाेप्टरमा पनि पैसा राख्दै थिए, तर सबै पैसा त्यसमा अटाएन र नअटाएको पैसा विमानस्थलको सडकमा छाडेर गए।’