कोहलपुरमा आज देखि कोरोना संक्रमण रोकथाम तथा नियन्त्रणका लागि सचेतनामुलक कार्यक्रमको सुरुवात गरिएको छ । कोरोना महामारी रोकथाम र नियन्त्रणमा हाम्रो प्रतिवद्धता, मास्क लगाउनु नै हो आजको आवश्यकता भन्ने नाराका साथ कोहलपुरमा आज देखि कोरोना संक्रमण रोकथाम तथा नियन्त्रणका लागि सचेतना मुलक अभियानको सुरुवात गरिएकोे हो । रेरी बाँके र कोहलपुर जेसीज वर्ष २०२१ को आयोजना तथा कोहलपुर नगरपालिका, ईलाका प्रहरी कार्यालय कोहलपुर, जिल्ला ट्राफिक प्रहरी कार्यालय बाँकेको समन्वय र कारितास नेपालको आर्थिक सहयोगमा कोहलपुरमा सचेतनामुलक अभियानको सुरुवात गरिएको हो । उक्त सचेतनामुलक अभियान कार्यक्रममा बोल्दै कोहलपुर नगरपालिका प्रमुख लुट बहादुर रावले पछिल्लो समय कोहलपुरमा कोरोना संक्रमितहरुको संख्या बृद्धि भइरहदा समेत कुनै स्थानिय आम नागरिकहरुले स्वास्थ्य मापदण्ड पालना नगरेकोमा दुख ब्यतm गर्नुभयो । काहलपुर नगरवासीले नेपाल सरकारले तोकेको स्वास्थ्य मापदण्ड पालना गरे कोरोना संक्रमको जोखिम बाट बच्न सकीने र सबैलाई स्वास्थ्य मापदण्ड पालना गर्न समेत रावले आग्रह गर्नुभयो । यस्तै कार्यक्रममा बोल्दै रेरी बाँकेका अध्यक्ष पुनित विक्रम शाहले कोरोना भाईरसको तेस्रोे लहर आउने स्वास्थ्य क्षेत्रका विज्ञले बताईरहेको बेला सबै स्थानिय आम नागरिकहरु सचेत हुनुपर्ने बताउनुभयो । कोरोना संक्रमणको तेस्रो लहर बाट बच्नका लागि बिभिन्न सघ स्ंस्थाको साझेदारीमा रेरि बाँकेले बिभिन्न सचेतनामुलक कार्यक्रमहरु सन्चालन गरिरहेको छ ।