हास्ँय व्यङ्ग्यमार्फत राजनीतिक चरित्रका पात्र तथा वर्तमान परिवेशलाई तिखो प्रहार गर्दै बजारमा गाइजात्रा विशेष प्रस्तुतीहरु आइरहेका छन् । यसै कार्यलाई निरन्तरता दिँदै बाँके कोहलपुरका कलाकार प्रकाश कडेल “गुलेली कान्छा” ले यस वर्षको गाइजात्रे प्रस्तुती बजारमा ल्याएका छन् । न भाले न पोथी नामको जाइजात्रे प्रस्तुती कलाकार गुलेली कान्छाले दर्शक श्रोतामाझ ल्याएका हुन् । भुवन भट्टराई र अमित कडेलकोे लेखन तथा आप्mनै परिकल्पना र निर्देशनमा कलाकार कडेलले बजारमा ल्याइएको न भाले न पोथी सामाजिक सञ्जाल यु ट्युवमा चर्चा बटुल्ने क्रममा छ ।
गाइजात्रामा बिमल पाठक, प्रकाश कंडेल, नम्रता शर्मा, लक्ष्मण नेपाली, हरी ज्ञावाली, सागर पराजुली लगाएत कलाकारको अभिनय रहेको छ । करिब १५ मिनेटको गाइजात्रे प्रस्तुतीमा वर्तमान राजनीतिक परिवेशमा केन्द्रित रहेर प्रहशन तथा प्यारोडी गीतमार्फत व्यङ्ग्य गरिएको छ । कलाकार गुलेली कान्छा यो गाई जात्रा मनोरञ्जन साथै समाजका बिकृती र बिसङ्गतिलाई पर्दामा प्रस्तुत गर्दै यस्ता बिकृती अन्त्य गर्न गाईजात्राले केही भुमिका खेल्ने बताउँछ्न ।