दिन प्रतिदिन ग्राफ बढ्दै गइरहेको बाँकेमा शोमवार थप ३१ जनामा कोरोना संक्रमण पुष्टि भएको छ । जिल्लाका तीनवटा प्रयोगशालामा १५७ नमुना परिक्षण गर्दा ३१ जनामा भाइरस संक्रमण पुष्टि भएको हो ।
भेरीमा १९, मेडिकल कलेज कोहलपुरमा ८ र बागेश्वरी प्रयोगशालामा ४ जना गरि थप ३१ जनामा भाइरस संक्रमण देखिएको जिल्ला कोभिड ब्यबस्थापन केन्द्रका फोकलपर्सन तेज ओलीले जानकारी दिए । शोमवार संक्रमण पुष्टि भएका मध्य बाँकेका १६ जना छन् । बर्दियामा एक वर्षीया बालिकासहित ७ जना, दाङका ३ जना र अन्य जिल्लाका ५ जना रहेका छन् । यो संख्यासंगै बाँकेमा कुल संक्रमितको संख्या १७ हजार ८ सय ११ पुगेको छ । शोमवार भने ९ जना कोरोना संक्रमित डिस्चार्ज भएका छ्न । यो संगै डिस्चार्ज हुनेको संख्या १७ हजार ३ सय ८२ पुगेको छ ।
जिल्लामा सक्रिय संक्रमितको संख्या अहिले १४२ रहेको ओलीले बताएका छन् । सिकिस्त बिरामीको संख्या २१ छ भने मध्यम बिरामी २९ जना छ्न । ५ जनाको भेन्टिलेटरमा उपचार भैरहेको छ ।