कोहलपुर/कोहलपुर नगर क्षेत्रमा भइरहेका श्रृंखलाबद्व चोरीका घटना तथा शान्ति सुरक्षा कायम राख्न प्रहरीले सरोकारवाला निकायको सहयोगमा सिसि क्यामराबाट निगरानी बढाउने भएको छ । नगर क्षेत्रको महत्वपूर्ण स्थानहरुमा सिसि क्यामरा जडान गरेर शान्ति सुरक्षा कायम गर्न प्रहरी अग्रसर बनेको हो । आइतवार एक अन्तरक्रिया कार्यक्रम गर्दै प्रहरीको यो अभियानमा सरोकारवाला निकायले सहयोग गर्नुपर्ने बताउँदै सिसि क्यामराको निगरानीबाट विभिन्न खाले अपराधिक गतिविधिहरुलाई नियन्त्रण तथा अनुसन्धान तथा शान्ति सुरक्षा कायम गर्नमा सफलता मिल्ने प्रहरीको भनाई छ ।

कोहलपुर नगरपालिका तथा ईलाका प्रहरी कार्यालय कोहलपुरको क्षेत्राधिकार क्षेत्रभित्र अपराधिक गतिविधीे नियन्त्रण तथा प्रभावकारी अनुसन्धान गरी सार्वजनिक सुरक्षा व्यवस्थालाई थप प्रभावकारी एवं मजबुद बनाउनका लागि सिसिटिभि जडानकालागि आवश्यक स्थानहरुको पहिचान समिति र सिसिटिभि जडान तथा व्यवस्थापन समिति गठन गर्ने निर्णय अन्र्तक्रियाले गरेको छ । सिसिटिभि जडान तथा व्यवस्थापन समितिको संयोजकमा कोहलपुर उद्योग वाणिज्य संघ, सदस्यहरुमा नेपाल पत्रकार महासंघ बाँके शाखा, कोहलपुर नगरपालिका, सुनचाँदी व्यवसायी संघ कोहलपुर, बैंकर्स क्लब कोहलपुर, यातायात कोहलपुर र ईलाका प्रहरी कार्यालय कोहलपुर रहेका छन् । त्यस्तै कोहलपुर नगरपालिका भित्र सिसिटिभि जडानको स्थान पहिचानका लागि ईलाका प्रहरी कार्यालय कोहलपुर, नेपाल पत्रकार महासंघ बाँके, उद्योग वाणिज्य संघ कोहलपुर, कोहलपुर नगरपालिका र वडा नंं. ११ सहितको नेतृत्वमा समिति गठन भएको कोहलपुर नगरपालिकाका नगरप्रमुख लुट बहादुर रावतले जानकारी दिएका छन ।

अन्र्तक्रिया कार्यक्रममा आप्mनो धारणा राख्दै जिल्ला प्रहरी कार्यालय बाँकेका प्रहरी प्रमुख श्याम कृष्ण अधिकारीले पछिल्लो समय प्रविधिसँग अपराधिक गतिविधिहरु धेरै जोडिएका कारण रहेक ठाउँमा सिसिटिभि जडान अति आवश्यक रहेको बताएका छन् । कार्यक्रममा बोल्दै कोहलपुर उद्योग वाणिज्य संघका अध्यक्ष लक्ष्मणराज पौडेलले प्रविधिको प्रयोग गर्नका लागि आवश्यक जनशक्तिको व्यवस्था गर्नुपर्ने बताउँदै कोहलपुरको शान्ति सुरक्षा कायम गर्नका लागि कोहलपुर उद्योग वाणिज्य संघले विभिन्न क्षेत्रसँग सहकार्य गर्न तयार रहेको बताएका छन् ।
अन्र्तक्रिया कार्यक्रममा कार्यक्रममा बोल्दै नेपाली काँग्रेसका नेता भानुभक्त भट्टराईले स्थानिय सरकारले आवश्यक बजेटको व्यवस्थापन गरी सिसिटिभि जडान कार्य तत्काल गर्नुपर्ने भन्दै जनताको सुरक्षामा स्थानिय सरकार जिम्मेवार हुन सुझाव समेत दिएका छन् । साथै उनले लागु पदार्थ नियन्त्रण गर्न स्थानिय सरकारले विशेष नीति लिन आवश्यक रहेको भन्दै कोहलपुर लागु पदार्थको केन्द्रका रुपमा स्थापित हुँदा अवस्था भयावह हुने बताएका छन् । एमाले बाँके अध्यक्ष अशोक कोइरालाले स्थानिय सरकार, प्रहरी प्रशासन, विभिन्न राजनीतिक दल, संघ सस्थाहरुको सामूहिक प्रयासले अपराध नियन्त्रण गर्न सकिने बताएका छन् ।

कार्यक्रममा बोल्दै माओवादी केन्द्रका नेता नरेन्द्र न्यौपानेले कोहलपुर क्षेत्रको शान्ति र सुरक्षा प्रहरीले आफ्नो नियन्त्रणमा राखिरहेको बताउँदै चोरी लगायत अन्य विभिन्न घटनाहरुको अनुसन्धान तथा नियन्त्रण गर्नका लागि प्रविधिको आवश्कता रहेको बताए । साथै उनले उद्योगि व्यवसायीहरुलाई आफ्नो घरसँगै सडकसम्मको दृश्य देखिने गरी सिसिटिभि जडान गर्न अनुरोध समेत गरेका छन् ।