कोहलपुर नगरपालिका वडा न ३ मा रहेको श्री जनता माध्यामिक बिद्यालय मैटहवाले सि।यु।जि सिमकार्ड वितरण गरेको छ । जनता माध्यामिक बिद्यालय ब्यबस्थापन समितिका अध्यक्ष तथा कोहलपुर नगरपालिका शिक्षा शाखा प्रमुख अनन्त कुमार पौडलेको उपस्थितीमा जनता माध्यामिक सामुदायिक विद्यालयमा अध्ययनरत छात्र , छात्राका अभिभाबलाई सि।यु।जि सिमकार्ड वितरण गरिएको हो । ‘विश्वव्यापी महामारीका रुपमा फैलिएको कोभिड– १९ का कारण विद्यालयमा भौतिक उपस्थितिमा पठनपाठन हुने स्थिति नभएका कारण वैकल्पिक शिक्षण सिकार्इका लागि सिमकार्ड वितरण गरिएको शिक्षा शाखा प्रमुख अनन्त कुमार पौडेलले बताउनुभयो । इन्टरनेटको पहुँच नपुगेकै कारण वैकल्पिक सिकाइ प्रभावकारी हुन नसकिरहेको भन्ने गुनासो आइरहँदा यसको समाधानका लागि इन्टरनेट प्याकेजसहितको सिमकार्ड वितरण गरिएको र प्रभावित बनेको शिक्षण सिकाइ क्रियाकलापलाई व्यवस्थित, प्रभावकारी र उपयोगी बनाउन यस अभियानले महत्वपूर्ण भूमिका खेल्ने पौडेलले बताउनुभयो ।