हरेक दिन बाँकेमा कोरोना संक्रमितको ग्राफ बढ्दो क्रममा देखिएको छ । सोमबार नयाँ २३ जनामा संक्रमण पुष्टि भएकोमा मंगलबार थप ४४ जनामा कोरोना भाइरस संक्रमण पुष्टि भएको छ । जिल्लाका दुईवटा प्रयोगशालामा १७३ नमुना परीक्षण गर्दा थप ४४ जनामा भाइरस संक्रमण पुष्टि भएको हो ।
भेरी अस्पतालको प्रयोगशालामा १३१ नमुना परीक्षण गर्दा ३७ र मेडिकल कलेज कोहलपुरमा ४२ नमुना परीक्षण गर्दा ७ जनागरी ४४ जनामा संक्रमण पुष्टि भएको हो । त्यसमा सबैभन्दा धेरै बर्दियाका छन । बर्दियाका ३५ जना, बाँकेका ७ जना र कैलालीका २ जनामा भाइरस संक्रमण देखिएको जिल्ला कोभिड व्यवस्थापन केन्द्रका फोकलपर्सन तेज वलीले जानकारी दिएका छन् । बाँकेमा अव कोरोना संक्रमितको संख्या १७ हजार ७ सय ७३ पुगेको छ । मंगलवार ८ जना डिस्चार्ज भएका छन् । योसँगै बाँकेमा डिस्चार्ज हुनेको संख्या १७ हजार ३ सय १ पुगेको छ । जिल्लामा १६ जना सिकिस्त बिरामी छन् । १८ जना मध्यम बिरामी हुँदा ५ जनाको भेन्टिलेटरमा राखेर उपचार भइरहेको पनि वलीले जानकारी दिएका छन् ।