काेहलपुर/कोहलपुरमा एक नावालिकाको निर्माणाधिन घरको पानी भण्डारण प्रयोजनको लागि बनाइएको ट्यांकीमा डुवेर ज्यान गएको छ । कोहलपुर नगरपालिकाका वडा नम्वर ११ का ओमप्रकाश शर्माकी २.५ वर्षिय छोरी रिना शर्माको पानी ट्याङ्कीमा डुबेर मृत्यु भएको हो ।   स्थानिय एमाले नेतृ बसन्ती अधिकारीको कोहलपुर नगरपालिका होलसेल मार्गमा अवस्थित निर्माणाधिन घरमा पानीको रिजर्भ ट्यांकीमा डुबेर एक नावालिकाको ज्यान गएको कोहलपुर प्रहरीले पुष्टि गरेको छ ।

कोहलपुर नगर विकास परियोजना अन्तर्गतको होलसेल मार्ग १६ मिटर सडक खण्डमा माछा, फ्रेस हाउस तथा नास्ता पसल सञ्चालन गर्दै आएका व्यवसायीकी छाेरीकाे ज्यान गएको हो । यस विषयमा इलाका प्रहरी कार्यालयमा उद्योग वाणिज्य संघ, स्थानिय राजनीतिकर्मी, पीडित परिवारका आफन्त लगाएतको छलफल जारी छ । छलफल पछि हुने सहमति तथा निर्णय पछि यसै न्यूज पोर्टलमा विस्तृत समाचार प्रकाशन गरिनेछ ।