सुर्खेत/ मध्यपश्चिम विश्वविद्यालयमा देखिएको समस्या समाधानका लागि संवेदनशील बन्न राष्ट्रिय प्रजातान्त्रिक विद्यार्थी संगठन सुर्खेतले अनुरोध गरेको छ ।

आइतवार संगठनका सचिव अर्जुन बुढा र अध्यक्ष रोशन वि.सी.ले वक्तव्य जारी गर्दै विश्वविद्यालयको आशा/भरोशालाई टुट्न नदिई विद्यार्थीको शैक्षिक भविष्यलाई सुनिश्चित पार्दै विश्वविद्यालयको गरिमा कायम राख्न अनुरोध गरेका छन् ।

जारी वक्तव्यमा लामो पतिक्षा पछि कठिन परिश्रमले स्थापना भएको विश्वविद्यालमा स्वार्थको राजनीति हुने गरेकोमा दुःख व्यक्त गरिएको छ । वक्तव्यमार्फत विश्वविद्यालय प्रशासन तथा सम्पूर्णविद्यार्थी संगठन समक्ष शिक्षाको मन्दिरलाई युद्धको मैदानमा परिणत नगराउन आग्रह गरिएको छ ।