बाँकेमा कोरोना भाइरस संक्रभमण पुष्टि भएका दुईजनाको भेरी अस्पतालमा मृत्यु भएको छ ।
बर्दियाका दुवैजना कोरोना भाइरस पुष्टि भएपछि उपचारका लागि भेरी अस्पताल नेपालगञ्ज भर्ना भएकोमा शुक्रवार राती र शनिवार विहान दुवै संक्रमितको मृत्यु भएको हो । जिल्ला कोभिड व्यवस्थापन समितिका फोकलपर्सन तेज ओलीका अनुसार गुलरिया नगरपालिका ९ बर्दियाका ५० वर्षीय पुरुष र बारबर्दिया नगरपालिका २ बर्दियाका ५२ वर्षीय पुरुषको मृत्यु भएको हो । गुलरियाका पुरुष कोभिड पुष्टि भएपछि थप उपचारका लागि श्रावन ११ गते भेरी अस्पतालमा भर्ना भएका थिए ।
स्वास्थ्यमा सुधार नआउँदा उनको शुक्रवार राती साढे १० बजे मृत्यु भएको हो । त्यस्तै श्रावन २० गते कोभिड पुष्टि भएपछि सोही दिन उपचारका लागि भेरी अस्पतालको कोभिड वार्डमा भर्ना भएका बारबर्दियाका पुरुषको शनिवार बिहान ७ बजे मृत्यु भएको हो ।
योसँगै कोरोना संक्रमणका हालसम्म उपचारका लागि अन्यत्र जिल्लाबाट बाँके आएका ३८३ जनाको मृत्यु भएको छ