कोहलपुर / बाँकेको नरैनापुरबाट एकजना व्यक्ति हातहतियार सहित पक्राउ परेका छन् । नरैनापुर गाउपालिका वडा नं. ६ दोन्द्रा गाउँ निवासी छोटेलाल राढ एक थान भरुवा बन्दुक र एक थान कटुवा पेस्तोल सहित पक्राउ परेको जिल्ला प्रहरी कार्यालय बाँकेले जनाएको छ ।

विहिवार साँझ ७ बजेतिर वर्ष ५० का राढले हातहतियारको बिक्रि वितरण गरि रहेको भन्ने सूचनाको आधारमा लुम्बिनि प्रदेश प्रहरी अनुसन्धान समुह दाङबाट खटिएको प्रहरी टोली उक्त स्थानमा खटि गई राढलाई नियन्त्रणमा लिई उनको साथ बाट एकनाले भरुवा बन्दुक एक थान सो भरुवा बन्दुकमा लाग्ने तीन थान छर्रा बरामद गरिएको प्रहरीले जनाएको छ । राढले बोकेको रातो रंगको झोला खानतलासी गर्दा झोला भित्र रहेको कटुवा पेस्तोल समेत बरामद गरी आवश्यक अनुसन्धान भईरहेको प्रहरीले जानकारी दिएको छ ।