बाँकेको कोहलपुर नगरपालिका वडा नम्बर १ लाई बाल विवाह मुक्त वडा घोषणा गरिएको छ । वडामा रहेको बाल क्लब , किशोरी क्लब , बाल संरक्षण नीति र पालिका बाल अधिकार संरक्षण समतिको अगुवाईमा वडालाई बाल विवाह मुक्त घोषणा गरिएको हो । कोहलपुर नगरपालिका वडा न १ तेस्रो वडाका रुपमा बाल बिबाह मुक्त वडा घोषणा गरिएको हो । कोहलपुर नगरपालिकालाई बालबिबाह मुक्त नगरपालिका घोषणा गर्ने अभियानमा आफुहरु अगाडि बढेको नगरपालिका प्रमुख लुट बहादुर रावतले जानकारी दिनुभयो । यस अभियानमा सहयोग पुर्याउने सबैलाई धन्यवाद ज्ञापन गर्नुभयो । बाल बिवाह मुक्त वडा घोषणा कार्यक्रममा बोल्दै कोहलपुर नगरपालिका उपप्रमुख सन्जु कुमारी थारुले विहेवारी २० वर्ष पारी भन्ने नारा लाई सबैले अनुशरण गर्नुपर्ने बताउनुभयो । कोहलपुर नगरपालिकाको १ , १२ , १३ नम्बर वडा बाल विवाह मुक्त भएको र अन्य वडा पनि छिट्टै बाल बिवाह मुक्त हुनेमा बिस्वास व्यक्त गर्नुभयो । वडालाई बाल विवाह मुक्त घोषणा गर्न विशेष भूमिका खेल्ने प्लान नेपाल ,समाजिक सचेतन सरोकार मञ्ज र स्याक नेपाल लाई कोहलपुर नगरपालिका वडा न १ का वडा अध्यक्ष अध्यक्ष गोपी खनालले धन्यावद दिदै अब कोहलपुर नगरपालिका वडा न १ को समग्र बिकासका लागि सबैले सहयोग गर्नुपर्नेमा जोड दिनुभयो ।  वडालाई बाल विवाह मुक्त घोषणा गर्न विशेष भूमिका खेल्ने प्लान नेपाल ,समाजिक सचेतन सरोकार मञ्ज र (स्याक नेपाल)का प्रतिनिधिहरुलाई सम्मान गरिएको हो । कोहलपुर नगरपालिकाले वाल विवाह मुक्त अभियान निर्देशिक २०७६ अनुसार क्रमिक नगरका सबै वडालाई बाव विवाह मुक्त गरिने जनाएको छ । यस अघि कोहलपुर नगरपालिका वडा न १२ र १३ वाल विवाह मुक्त घोषणा गरिसकिएको छ ।  कार्यक्रममा स्थानीय राजनितिक दलका प्रतिनिधि लगाएतको सहभागिता रहेको थियो ।