कोहलपुर । नेपाली कांग्रेस भदौभित्रै १४औं महाधिवेशन गर्नुपर्ने संवैधानिक घेराभित्र बाँधिएपनि क्रियाशील सदस्यता विवादको टुङ्गो लाग्न सकेको छैन् । स्थानीयदेखि केन्द्रिय नेताहरु आफू अनुकूलका क्रियाशील सदस्य बनाउन अस्वस्थ खेलमा लागेपछि विवाद साँघुरिन सकेको छैन ।

पार्टीको पदिय जिम्मेवारीमा जानका लागि प्रक्रिया नपु¥याएर मापदण्ड विनै जसलाई पनि क्रियाशील सदस्यता वितरण गरिँदा बाँकेमा समस्या विकराल भएको हो । देशका विभिन्न स्थानिय तहमा कांग्रेशको क्रियाशिलको बिबाद टुंगिन सकेको छैन ।

क्रियाशिल विवादित क्षेत्रमध्ये बाँकेको क्षेत्र नम्बर १ पनि एउटा हो । क्षेत्रीय सभापति माधवराम खत्रीले मनोमानी ढंगले आफू अनुकुलका क्रियाशील सदस्य भरेर केन्द्रमा पठाएको, वडाबाट सबै प्रक्रिया पुया¥एर आएका र पैसा समेत बुझाइसकेका सयौं सदस्यहरुको विवरण भरेर केन्द्रमा पठाउनुको साटो जानीजानी रोकेको आरोप क्षेत्रिय सभापति खत्रीलाई लागेको छ ।
पार्टी राजनीतिमा क्रियाशील कयौं नेता कार्यकर्तालाई समेत सदस्यता पाउनबाट बञ्चित भएपछि कोहलपुर नगरपालिका वडा नम्बर ११ का तीन जना नेकपा एमालेमा प्रवेश गरेका छन् ।

साउन १६ गते ज्ञानु थारु, विमला थारु र रामदयाल यादव एमालेमा प्रवेश गरेका हुन् । “फर्जी क्रियाशील सदस्यता वितरण भएको छ भनेर हामीले जिल्ला र केन्द्रमा उजुरी गरेका थियौं, कांग्रेसप्रति प्रतिबद्ध नभएका चैते कांग्रेसहरुलाई आफूले चुनाव जित्न जथाभावी क्रियाशील सदस्यता भराएर क्रियाशील दिलाउन बद्मासी भएको छ भनेर भनिरहेका छौं, आज त्यो प्रमाणित भएको छ,“ कोहलपुरका एक कांग्रेस नेताले भने–“पार्टीमा योगदान नगरेका, कांग्रेस पार्टीप्रति प्रतिबद्ध नभएका, स्वार्थले प्रेरित आफ्ना आसेपासेलाई क्रियाशील बाँड्दाको परिणाम हो यो ।”

कोहलपुर नगरपालिका ११ नम्बर वडा मेयरमा प्रतिष्पर्धा गरेका स्थानीय कांग्रेस नेता भानुभक्त भट्टराई, त्यस्तै नेताहरु कृष्ण कार्की, राजेन्द्र श्रेष्ठ लगायतका नेताको वडा हो । एमालेमा प्रवेश गरेका तीन जना उनीहरुकै टोसबासी हुन् । “मेरै टोलका हुन्, कांग्रेसप्रति प्रतिबद्ध छन्, उनीहरुलाई सदस्यता दिनुपर्छ भनेर उहाँ (भट्टराई) ले वडा सभापतिलाई दबाब नै दिनुभयो, क्षेत्रीय सभापतिले पनि नाम इन्ट्री गरेर केन्द्रमा पठाउनुभयो, केन्द्रले पनि नाम इन्ट्री गरिसकेको छ, हेर्नुस् त कस्तो विडम्बना, तिनै मान्छे अहिले एमालेमा प्रवेश गरेका छन्,“ कोहलपुरका अर्का कांग्रेस नेताले भने । क्रियाशील सदस्यता वितरणमा चरम बेथिति भएको भन्दै स्थानीय नेता कार्यकर्ताले तीब्र आक्रोश पोख्दै आफू बन्ने नाममा पार्टी सिध्याउने प्रपञ्च भइरहेको आरोप लगाएका छन् ।

बागेश्वरी बहुमुखी क्याम्पसमा नेविसंघबाट स्ववियु सभापति लडिसकेका नेविसंघका आमन्त्रित केन्द्रिय सदस्य कमल शाहीले चैते कांग्रेसहरुलाई क्रियाशील दिँदाको परिणामबारे चित्रण गर्दै फेसबुकमा स्टाटस लेखेर तीब्र आक्रोश पोखेका छन् । पछिल्लो समयमा कांग्रेशको क्रियाशिल सदस्यता वितरणको समस्याका कारण लामो समयदेखी कांग्रेसको राजैनिक यात्रामा होमिएका कार्यकर्ताहरु निराश देखिन्छन् भने कतिपय कार्यकर्ताहरु बैकल्पीक बाटो राजाईमा रहेका छन् । हरेक समयमा कांग्रेसको आन्तरिक लडाईका कारण पार्टी कमजोर भएको कोहलपुरका कांग्रेसका नेताहरुको बुझाई रहेको छ ।

नेविसंघका आमन्त्रित केन्द्रिय सदस्य कमल शाहीले फेसबुकमा लेखेका स्ट्याटस :