काठमाडाैं साउन १७, २०७८

कैलालीको मोहन्याल गाउँपालिका–३, रागाँमलेखास्थित कर्णाली नदीमा आज डुंगा पल्टिँदा तीन जना बेपत्ता भएका छन् ।

बेपत्ता हुनेमा रागाँमलेखाकी २० वर्षीया उर्मिला सलामी मगर, १० दिनको बच्चा र २० वर्षीया पार्वती थापा बेपत्ता भएका छन् । 

डुंगामा १० जना सवार थिए । पाँच जना पौडी खेलेर बाहिर निस्किएका छन् भने दुई जना घाइते भएको कैलाली प्रहरीले जनाएको छ । 

घाइते हुनेमा सोही ठाउँकी , एक महिने छोरा कर्ण सलामी १९ वर्षीया धनसरा सलामी मगर रहेका छन् । 

प्रहरीका अनुसार उनीहरू सुर्खेतको चौकुने गाउँपालिका–४ मा रहेको स्वास्थ्यचौकी रागाँ मलेखाबाट बच्चालाई खोप लगाउन काठको डुंगामा जाँदै थिए । 

कैलाली प्रहरीले घटनास्थलमा प्रहरी टोली पुगेको र बेपत्ताको खोजी भइरहेको जनाएको छ ।