काेहलपुर / काेहलपुर नगरपालिका वडा ९ बाबानगर देखि ३०० मिटर अगाडि १०:४५ मा ठक्कर दिने एम्बुलेन्स र चालकलाई करिव १२ बजे प्रहरीले नियन्त्रणमा लिएकाे छ ।

भे १ च ५८६ नम्बरकाे एम्बुलेन्सले ठक्कर दिई एक जनाकाे मृत्यु भएकाे प्रहरीले जनाएको छ । घटनास्थलबाट प्रहीले नेपालञ्ज मेडिकल कलेज शिक्षण अस्पताल काेहलपुर पुर्‍याएकाे थियाे भने मृत्यु राति ११:२५ मा भएकाे अस्पतालले जनाएकाे छ ।

मृतकले लगाएकाे कपडामा न्यु बागेश्वरी एकेडेमि कलेज लेखिएकाे छ भने नीजकाे नाम ठेगाना खुल्न बांकि छ । एम्बुलेन्स लियाे क्लब नेपालञ्जकाे रहेकाे प्रहरीले बताएकाे छ ।

एम्बुलेन्स ठक्कर दिए पश्चात् फरार भएकाे थियाे । चालकले समयमै अस्पताल पुर्‍याउने काम गरेकाे भए मृतक बांच्न सक्ने सम्भावना रहेकाे स्थानीय बताउछन् ।

एम्बुलेन्सकाे चरम लापरवाही, एम्बुलेन्स चलाउनका लागि न्युनतम शिक्षा र एम्बुलेन्सकाे काम कर्तव्य नबुझेका चालकलाई एम्बुलेन्स जिम्मा लगाउनु नै यस्ता घटनाकाे कारक मानिन्छ ।

घटना बारे थप अनुसन्धान भैरहेकाे काेहलपुर ईलाका प्रहरीले जनाएकाे छ ।