कोहलपुर÷पूर्व प्रधानमन्त्री बाबुराम भट्टराईद्वारा हिन्दुहरुको आस्थामाथी आँच आउने गरी दिएको अभिव्यक्तिको बिरोध राष्ट्रिय प्रजातन्त्र पार्टीको भातृसंगठनहरु बाँकेले बिरोध गरेको छ ।
शुक्रवार बाँकेको कोहलपुरमा आयोजित बिरोध ¥याली सहित कोण सभामा उक्त कार्यक्रम सम्पन्न भएको थियो ।

कोहलपुरको न्युरोड देखी कोहलपुरको चौराह क्षेत्रसम्म राष्ट्रिय प्रजातन्त्र पार्टीका कार्यकर्ताले बिरोध ¥याली गरेका हुन । बिरोध ¥याली सहित कोहलपुरको न्यूरोड चोकमा पूर्वप्रधानमन्त्रीको पुत्ला समेत राप्रपाका कार्यकर्ताहरुले जलाएका थिए ।

त्यस्तै विरोध कार्यक्रमलाई सम्वोधन गर्दै राष्ट्रिय प्रजातन्त्र पार्टीका केन्दिय कार्यसम्पादन समितीका सदस्य हिक्मत ढकालले दुई ठूला पार्टीहरु सत्ताको मोहका कारण आफ्नो मनमर्जीले निर्णय गर्ने र गतल अभिव्यक्ति दिएका कारण जनताबाट पतन हुँदै गएको बताएका छन् ।

बिरोध कार्यक्रममा सम्बोधन गर्दै राष्ट्रिय प्रजातन्त्र पार्टी महिला संघकी केन्द्रिय सदस्य लक्ष्मी हमालले पूर्व प्रधानमन्त्रीको गलत अभिव्यक्तिले राष्ट्रमा रहेका नेपाली जनताको दुखी भएको बताइन् । साथै उनले शतप्रतिशत हिन्दुहरुको आस्थामाथी आँच आउने कुनैपनी गलत क्रियाकलाप गरेमा अझ थप आन्दोलनका कार्यक्रमहरु अगाडी बढाउने बताइन् ।

त्यस्तै बिरोध कार्यक्रमलाई सम्वोधन गर्दै राष्ट्रिय प्रजातन्त्र पार्टी बाँकेका जिल्ला सदस्य अर्जुन जंग शाहले जनताको भावना बिपरित सरकारमा रहेका नेताहरु गलत क्रियाकलाप गर्दै गएकाले जनताले माफी नदिने बताएका छन् ।

कार्यक्रममा बोल्दै राप्रपा युवा संघका अध्यक्ष हुकुम केसीले राष्ट्रिय प्रजातन्त्र पार्टीले देश र जनताका भावना विपरित हुने क्रियाकलापमा आफ्नो पार्टी अग्रपंक्तीमा उभिएर बिरोध गर्ने बताएका छन् ।

पछिल्लो समयमा देशका ठूला पार्टीहरुको गतल कार्यशैलीका कारण राष्ट्रिय प्रजातन्त्र पार्टी आवद्ध भई हिन्दु राष्ट्रको पक्षमा उभिएका छन् । बाँकेको कोहलपुरमा आयोजित बिरोध कार्यक्रममा राष्ट्रिय प्रजातन्त्र पार्टीको भातृसंगठनका कार्यकर्ताहरुकाे वृहत सहभागिता रहेको थियो ।

फाेटाे फिचर :