काेहलपुर/ राष्ट्रिय प्रजातन्त्र पार्टीको भातृसंगठन ट्रेड युनियन महासघं नेपाल (टुकोन) शुक्रवार आफ्नै कार्यालयमा स्वागत गरेको छ । बाँके जिल्लामा केही दिन अगाडी सरुवा भइ आएका प्रहरी उपरिक्षक श्यामकृष्ण अधिकारी, डिएसपी मधुसुधन शर्मालाई स्वागत गरेको हो ।

स्वागत कार्यक्रममा बोल्दै ट्रेड युनियन बाँकेका अध्यक्ष टोपेन्द्र बस्नेतले बाँकेमा रहेका श्रमिकहरुका समस्याहरुलाई समधान गर्नका लागि सम्वन्धीत निकायले पहल कदमी गरिदिन अनुरोध गरेका छन् । अहिले पनी श्रमिकहरुले आफ्नो श्रम अनुसार सेवा सुविद्याबाट बञ्चित रहेकाले यस विषयमा आगामी दिनमा सम्वन्धीत निकायसंग हातेमालो गरेर अगाडी बढ्न तयार रहेको समेत बताए ।

त्यस्तै स्वागत कार्यक्रममा बोल्दै बाँकेका प्रहरी उपरिक्षक श्यामकृष्ण अधिकारीले मजदुरहरुको संगठनल ट्रेड युनियनका समस्याहरुलाई समधान गर्नका लागि कानुन ऐन अनुसार आफ्नो तर्फबाट गर्नुपर्ने सहयोगका लागि आफूहरु तयार रहेको बताएका छन् ।

कार्यक्रममा ट्रेड युनियन प्रदेश नं. ५ का प्रदेश प्रमुख प्रभात कुमार श्रेष्ठ, केन्द्रिय उपमहासचिव प्रेम खत्री, जिल्ला सचिव प्रमोद भट्राई लगायतले सम्वोधन गरेका थिए । पछिल्लो समयमा ट्रेड युनियन महासघं नेपाल (टुकोन)ले बाँके जिल्लामा श्रमिकहरुका मागहरुलाई उठाउदै आएको छ भने सामाजिक क्षेत्रमा समेत उल्लेखनीय कार्य गर्दै आएको छ ।