बाँके /ब्रम्हलीन श्रीमहन्त हिरामान हरिशंकर गिरी जी महाराजको समाधिस्थल निर्माणमा आर्थिक संकलन शुरु भएको छ । चितवन निवासी धार्मिक अगुवा सविन शिवाकोटीले गिरी जी महाराजको समाधिस्थल निर्माणका लागि १ लाख ११ हजार १ सय ११ रुपैँया प्रदान गर्दै समाधिस्थल निर्माणको अभियान शूरु भएको हो ।

चार दशक बढि पश्चिम नेपालमा बसेर धार्मिक जागरण एवम नैतिक शिक्षामा ठुलो भूमिका निभाउनु भएका नेपालगञ्ज हनुमान गढी तथा हनुमत गौशालाका पिठाधिश एवम श्रीपञ्चनान जुना अखडाका महामण्डलेश्वर महाराजको गत बर्ष निधन भएको थियो । ब्रम्हलिन महाराजको योगदानको उच्च सम्मान गर्दै श्री हनुमान गढी मन्दिर सञ्चालन तथा व्यवस्थापन समितिले मन्दिर परिषरमा समाधि निर्माणको काम शुरु गरेको छ ।

ब्रम्हलिन महाराजका शिष्य समेत रहनु भएका शिवाकोटीले युवाहरुलाई धार्मिक महत्व जगाउन तथा भावी पुस्तालाई हिन्दु संस्कार र सस्कृति हस्तान्तरणका लागि समेत समाधि निर्माण तन, मन र धनको सवैले सहयोग गर्न आग्रह समेत गर्नु भएको छ । हनुमान गढी मन्दिर परिषरमा समाधि निर्माणका लागि करिव १ करोड खर्च हुने अनुमान गरिएको छ ।