मुगु / मुल बाटो भत्किएको महिनौं हुदा पनि सम्बन्धित निकायको ध्यान जान सकेको छैन ।

कर्णाली प्रदेशको मुगु जिल्ला छायानाथ रारा नगरपालिका वार्ड न २ स्थित गमगढी बजार देखि दक्षिण तर्फका दर्जनौं गाउँ जाने मुल बाटो चैन खोला देखि भिरबाटो सम्मको पैदल बाटो भत्किएको महिनौं पुगिसक्दा पनि स्थानिय सरकारले कुनै सुनुवाई नगरेको स्थानिय बासिन्दाहरुको आरोप रहेको छ ।

उक्त बाटो हुँदै जाने चैन गाउँ, श्रीनगर, भामवाडा, ढुम, बालाइ, पिना, कोटिल्ला, मुन्दु, घट्टलेख, तल्लेख, घुइर गाउँ आदि लगायतका हजारौं जनताहरु लगायत घोडा , खच्चड, गाई, भैंसीआदि लाई आउन जान नसकिने अबस्था रहेको छ ।

उत्त क्षेत्रका दैनिक हजारौं मानिसहरु जोखिम मोलेर भत्किएको बाटोको माथी बनाइएको जिर्ण ढल माथी हिड्न बाध्य छन ।

साथै उक्त बाटो बिग्रनको कारण भने लगातार अबिरल बर्षा हुनु र गलत इन्जिनियरिङ कारण ढल रसाइ, बिचै बाटोमा ढल अधुरो निर्माण गरि छोडेको कारण पहिरो गएको स्थानीयको भनाइ रहेको छ त्यसैगरि स्थानीय सर्वसाधारण को जग्गा समेत उक्त पहिरोले बगाएर लाखौको क्षती समेत भएको छ ।

सरकारी बजेटमा कर्मचारी र जनप्रतिनिधीहरुको मिलेमतोमा कमिशनकै लागि उक्त योजनाहरु आफ्ना कार्यकर्ताहरुलाई दिने पनि गरिएको छ । प्राविधिक स्टमेट अनुसार निर्माण हुनुपर्ने कर्णालीका विभिन्न जिल्लाहरुका बजेट योजनाहरु समयमै काम सम्पन्न नहुने र सम्पन्न योजनाहरु पनी स्थानिय तहले फरफार दिएको केही समय नबित्दै जिर्ण बन्ने गरेको छ ।