बाँकेको कोहलपुर नगरपालिका वडा न ४ बेलनपुर बाट हराएका तीन बालबालिकालाई कोहलपुर ल्याइएको छ । छ महीना अघि देखि हराएका ३ बलबालिकालाई भारतमा फेला पारेर कोहलपुर ल्याइएको हो । कोहलपुर नगरपालिका ४ बेलनपुरका नौ बर्षिय रोशन बादी , सात बर्षिय बिशाल वादी र पाँच बर्षिय पुजा माझी ६ महीना अघि हराएका थिए । उनीहरु नेपालगञ्ज, भारतको रुपइडिहा हुँदै भारतको बरेली पुगेका थिए । सडकमा हिँडिरहेका बच्चालाई महिला विभाग, बरेलीको टोलीले फेला पारेर अनाथलयमा पठाइदिएको थियो । लकडाउनका बेलामा हराएका ती बच्चाको खोजीका लागि वडाध्यक्ष तिरथराम थारु आफै भारतको बरेली पुगेर ती हराएका बालबालिकालाई कोहलपुर ल्याउनु भएको हो रुपन्देहीको मानव कल्याण मित्र मञ्चको सहयोगमा वडाध्यक्ष थारुले बच्चालाई कोहलपुर लिएर आउन सफल भएका हुन् ।