काेहलपुर/ बाँकेको राप्तीसोनारी गाँउपालिका वडा नं. ८ मा सोमबार देखी एम्बुलेन्स सेवा सुचारु गरिएको छ । वडा कार्यालय भित्र रहेका आम नागरिकहरुलाई सेवा पुर्याउने उद्देश्य एम्बुलेन्स खरिद गरिएको हो ।

राप्तीसोनारी गाउँपालिकाको आर्थिक सहयोगमा खरिद गरिएको एम्बुलेन्स राप्ती सोनारी गाउँपालिका ८ न वडा स्थित बाँके राष्ट्रिय निकुञ्ज सुरक्षार्थ खटिएको नेपाली सेना, तथा स्थानीय जनता द्वारा संचालित सर्पदन्स उपचार केन्द्र ब्यबस्थापन समितिलाई हस्तान्तरण गरिएको छ ।

सोमबार आयोजित एम्बुलेन्स हस्तान्तरण कार्यक्रममा बोल्दै राप्तीसोनारी गाँउपालिका वडा नं ८ का अध्यक्ष खुम बहादुर बस्नेतले वडाभित्रका आम नागरिकहरुलाई एम्बुलेन्स सेवा निकै आवश्यता भएको र हाइवे क्षेत्रमा एम्बुलेन्सको अति आवश्यक भएकाले गाँउपालिकालाई विशेष अनुरोध गरि एम्बुलेन्स खरिद गरि सेवा सुचारु गरिएको बताए । सेवालाई कसरी जनमैत्री , सर्ब सुलभ, दुर्त अनि मानविय बनाउने सन्दर्भमा सरोकारवाला सबैको सहयोग र सुझावको अपेक्षा समेत गरिएको छ । उक्त वडामा एम्बुलेन्स सेवा सुचारु भएपछी राप्तीसोनारी गाँउपालिका वडा नं. ८ बासिन्दाहरु हर्षित भएका छन् ।

आगामी दिनमा राप्तीसोनारी गाँउपालिका वडा नं. ८ का बासिन्दाहरुले औषधी उपचारका लागी वा अचानक दुर्घटना हुँदा तत्काल एम्बुलेन्स सेवाको सुविद्या पाउने आशा गरेका छन् । राप्तीसोनारी गाँउपालिकाकै नमूना वडाको रुपमा विकास भएको उक्त क्षेत्रमा विकास निर्माणका साथै अन्य क्षेत्रको विकासका निम्ती पनी जनप्रतिनिधी र स्थानियबासीन्दाहरुको दोहोरो सम्वन्धले वडाको मूहार फेरिदै गएको छ ।

उक्त एम्बुलेन्स हस्तान्तरण कार्यक्रममा राप्तीेसोनारी गाँउपालिका उपाध्यक्ष धनीकुमारी खत्री, जनप्रतिनिधी, रेडक्रसका प्रतिनिधी, बाँके राष्ट्रिय निकुञ्जको सूरक्षामा खटिएका नेपाली सेना, राजनैतिक दलका प्रमुख तथा प्रतिनिधी, समाजसेवी लगायतको सहभागिता रहेको थियो