कोहलपुर/कोरोना भाइरस कोभिड–१९ को प्रभाव यथावत रहेका बेला बाँकेको कोहलपुर नगरपालिकामा आइतबार कोभिड विरुद्धको खोप लगाउनेहरुको निकै ठुलो संख्यामा भिड देखियो ।

सरकारले कोरोना भाइरस विरुद्धको खोप लगाउनका लागी स्थानिय तहलाई जिम्मेवारी दिइरहेको छ । तर कोहलपुर नगरपालिकामा खोप लगाउने कार्यलाई व्यवस्थित गर्न नसक्दा कोरोना भाइरसको थप जोखिम मोलिरहेको छ ।

यता कोहलपुर नगरपालिकाले नै कोभिड विरुद्ध बच्नका लागि विभिन्न सावधानी अपनाउन आम नागरिकहरुलाई अनुरोध गरेतापनी आइतबार कोहलपुर नगपालिकाको दृश्यले थप संकट निम्त्याउने लक्षण देखिएको छ । कोहलपुर नगरपालिकाले आम नागरिकहरुलाई लगाउदै आएको कोभिड विरुद्धको भ्याक्सीन कतिपय पहुँज र पावरमा हुनेहरुका लगाएको गुनासो समेत बाहिरएको छ । सयौँको संख्यामा देखिने उक्त भिडले कोहलपुर नगरपालिकाको स्वास्थ्य मापदण्डलाई समेत जिस्काइरहेको देखियो ।

यसरी खोप लगाउने कार्यलाई व्यवस्थित गर्न नसक्नुले कोहलपुर नगरपालिकालाई थप चुनौती समेत थपिदिएको छ । आइतबार कोरोना भाइरस विरुद्धको खोप लगाउन गएका कोहलपुर नगरपालिका वडा नं. ११ का तिर्थराम घर्तीमगर भने ‘नगरपालिकाले खोप लगाउने कार्यलाई व्यवस्थापन सकेन् वडा अनुसार व्यवस्थापन भएको भए कोरोना भाइरसको जोखिम कम हुने थियो यसरी हुलै भित्र हुल गर्नाले झन जोखिम बढ्ने’ उनले बताए ।