राप्तीसोनारी / बाँकेको राप्तीसोनारी गाँउपालिका वडा नं. ९ ढकेरीमा राष्ट्रिय प्रजातन्त्र पार्टी(राप्रपा)को महिला संगठनले नयाँ कार्यसमिती गठन कार्यक्रम सम्पन्न भएको छ । नयाँ कार्यसमिती गठनमा अध्यक्षमा हरिमाया खड्का, उपाध्यक्षमा कबिता वली, सचिवमा कमला डाँगी, कोषाअध्यक्ष सरिता परिवार लगायत २१ सदस्य वडा कमिटी गठन गरिएको छ ।
राप्रपाका केन्द्रिय कार्यसम्पादन समितीका सदस्य हिक्मत ढकालको प्रमुख आथित्यमा ऊक्त कार्यत्रम संचालन भएको थियो । कार्यक्रममा बोल्दै प्रमुख अतिथी समेत रहेका ढकालले दुई ठूला पार्टी नेपाली कांग्रेश र एमालेको भिजन र मिसन नहुँदा जनताले दुख पाइरहेको उद्घोष गरेका छन् । साथै उनले दुई तिहाईको सरकारले आफ्नो कार्यकाल पूरा हुन नपाउँदै सरकार बनाउने र गिराउने चक्करमा लागेकाले जनताको भविष्य सुरक्षित नभएको दाबी गरेका छन् ।

ऊक्त कार्यत्रमलाई सम्वोधन गर्दै राप्रपा बाँकेका जिल्ला सदस्य अर्जुन जंग शाहले सरकारले विभिन्न चरणमा गरेका विभिन्न गल्तीहरु जनताले प्रष्ट बुझिसकेकाले आगामी दिनमा राप्रपाले उठाएका जायज मागहरुमा हातेमालो गरेर अगाडी बढन अनुरोध गरेका थिए । साथै उनले अरुले बालेको आगो ताप्नुभन्दा आफैले आगो बालेर ताप्ने प्रयास गर्नहुन सम्पूर्ण युवाहरुलाई अनुरोध गरेका थिए । कार्यक्रममा बोल्दै राष्ट्रिय प्रजातन्त्र पार्टी (राप्रपा)की महिला संगठनकी केन्द्रिय सदस्य लक्ष्मी हमालले महिलाहरु पनी राष्ट्र निर्माणका साथै ठूला पार्टीहरुका भम्रहरुलाई छिचोल्दै अगाडी बढनुपर्ने बताइन् । साथै पछिल्लो समयमा राप्रपा पार्टीमा महिलाहरुको आकर्षण बढ्दो क्रममा भएकाले महिलाहरुको हितका लागि आफ्नो पार्टी सदैब अग्रपत्तीमा काम गरिरहेको बताइन् ।

उक्त महिला संगठन फून गठन तथा संक्रिय सदस्यता वितरण कार्यत्रममा राप्रपाका केन्द्रिय सदस्य प्रकाश शाह,राप्रपाका जिल्ला कोषाध्यक्ष याम बहादुर रावत राप्रपा ट्रेड युनियन लुम्बिनी प्रदेशका संयोजक प्रभात कुमार श्रेष्ठ , राप्रपा टुकोननगर अध्यक्ष पवन थापा ,टुकोन श्रमिक नगर अध्यक्ष आकाश हमाल लगायतको सहभागीता रहेको थियो
राष्ट्रिय प्रजातन्त्र पार्टी (राप्रपा)ले सोमबार आयोजना गरेको ऊक्त कार्यत्रममा पार्टी प्रवेशको कार्यक्रम समेत सम्पन्न भएको छ । ४ दर्जन बढि महिलाहरु प्रवेश गरेका थिए ।
पछिल्लो समयमा बाँकेमा अन्य पार्टीमा लामो समयदेखी आस्था राखेका कार्यकर्ताहरु राप्रपामा प्रवेश गर्ने लहर चलेको छ ।