भारतीय सिमा नाका नजिक भएकाले बाँके जिल्लाबाट बालबालिका हराउने क्रम बढ्दो रहेको छ । अधिकांश हराएका बालबालिका मध्ये अभिभावक गुमाएका, बाबुआमा गुमाएका र गरिब तथा अति अशक्त परिवारका सदस्य रहेको पाईन्छ । भोको भेट कै निमित्त पनि बालबालिकाहरुले आफ्नो श्रम बेच्न बाध्य छन् । सरकार तथा स्थानीय सरकारले एन कानुन र दरिलो बजेट भाषण गरेता पनि रोशन र विलाश जस्ता आर्थिक अवस्था कमजोर बालबालिका लाई उक्त बजेटले छुन सकेन ।
कोहलपुर नगरपालिका वडा न ४ का ९ वर्षिय रोशन बादि र १२ वषिय विलाश बादी हराएको ६ महिना भयो । उनीसगै हराएकि कोहलपुर नगरपालिका वडा न १० कि पुजा विसि हराएको पनि झन्डै सात महिना बढि भईसकेको छ । आर्थिक अवस्था कमजोर भएका वा बाबुआमा गुमाएका बालबालिकाहरु हराउने संख्या दिनप्रतिदिन बढ्दो क्रममा रहेको छ ।

दुई अवोध बालक रोशन र विलाश कसरी हराय ?

रोसन र विलाश कि आमा छोराहरु ३ वर्षको हुदा दोस्रो बिहे गरेर गइन् । सानैमा आमा गुमाएको पिडा एकातिर थियो भने अर्कोतिर आर्थिक अवस्था कमजोर भएका कारण राम्रो सँग दुई छाक टार्न धौ–धौ थियो । कोरोना भाईरसका कारण बन्दाबन्दी थियो । फागुन ५ गते दुई भाई घरबाट निस्किय, हिड्दै हिड्दै उनीहरु रुपैडिया पुगे, बर्सपाक नजिक एउटा खाली ट्रक रोकिएको थियो । सोहि ट्रकको पछाडि बसेर उनीहरु भारतको बरेली पुगे । रातको समय गाडिमा लुकेर गएको गाडिको चालकलाई समेत थाहा थिएन । एक्कासी गाडिका सहचालक शौचालय जाने क्रममा देखे । सहचालकले हिन्दि भाषामा बोले, तर अवोध बालकहरुले कुरा बुझन सकेनन् । गाडिका चालकले बरेली शहर नजिकै जंगलको छेउमा उनीहरुलाई झारीदिए । रातको समयमा रोशन र विलाश अलपत्र परे उनीहरुले त्यो रात त्यही काटे, भोलिपल्ट हिडदै जाँदा बरेली शहर गईपुगे । बरेलीस्थित भारतीय प्रहरीले उनीहरुलाइ देख्यो र सोधपुछ गर्न थाल्यो, प्रहरीले उनीहरुलाई आफ्नो जिम्मामा लियो र केही दिनपछि बरेलीस्थित अनाथ, असहाय र विपन्न र हराएका नागरिकहरुको लागि खोलिएको आश्रममा राखियो ।
रोशन र विलाश मात्र नभई उनको साथमा कोहलपर १० कि ६ वर्षिया पुजा विसि पनि उतै आश्रममा रहेका छन् । हाल नेपाल र भारतका जम्मा ३२ जना बालबालिकाहरु उक्त बरेली आश्रममा रहेका छन् । बालक उद्दारका लागि सक्रिय भुमिका खेल्दै कोहलपुर नगरपालिका वडा नं ४ का वडा अध्यक्ष तिर्थराम थारु गत फागुन ५ गते हराएका बालकहरु बरेलीको आश्रममा छन भन्ने कुरा सुनेपछि सम्बधित ठाउँमै पुगेर आईसकेका छन् । अध्यक्ष थारुका अनुसार म आफैं आश्रममा पुगेर आए हराएका बालबालिकाहरु भारतस्थित बरेली आश्रममा सुरक्षित छन् । तर हामिलाई त्यहाँको मुख्य कार्यालयले भेट गर्न दिएन । कोभिड खोप लगाएको प्रमाण चाहिँदो रहेछ मैले लिएर गएन, त्यसकारण म फिर्ता भए । १–२ दिनमा सबै कागजपत्र मिलाएर आफै लिन जानुपर्ला अध्यक्षले भने ।

बरेली भएको कुरा कसरी थाहा भयो ?

रोशन र विलाशलाइ भारतिय प्रहरीले फेला पारेपछि आश्रममा बुझाएको थियो । उनीहरुले आफनो ठेगाना थाहा नपाएपछि प्रहरी अलमल प¥यो र भारतिय सचारमाध्यमको सहयोग लिई उनीहरुको तस्विर सहित पत्रपत्रिकामा छापियो । १४ वर्षदेखि पुर्नबासमा बस्दै आएका बिर बहादुर तामाङले बिहानको चिया खानेसमयमा पत्रिकामा नेपालको समाचार देखे । त्यहा धनगढी उपमहानगरपालिका कि एकजना बालिका पनि हराएकि थिईन । तामाङले धनगढीका मेयरलाई फोन लगाए र पत्रिकामा भएको घटना बताए । लगत्तै धनगढिका मेयेरले कोहलपुर नगरपालिका वडा न ४ का वडा अध्यक्षलाई खबर गरेका थिए । खबर गरेसँगै दुई अबोध बालक रोशन र विलाश भारतको बरेलीमा रहेको तथ्य फेला प¥यो ।

जाँदैछन् वडा अध्यक्ष उद्दारका लागि

करिब ६ महिना अगाडी हराईरहेका रोशन बादी, बिलाश बादी र पुजा विसीलाई उद्दारका लागि शनिवार वडा अध्यक्ष तिर्थ राम थारु भारतस्थित बरेली शहर जाँदै छन् । बरेलीमा रहेको असाहाय तथा अति विपन्न र हराएका बालबालिकाहरुको व्यवस्थापन केन्द्रले आवश्यक कागजपत्र सहित आउनुपर्ने भनेपछी अहिले वडा अध्यक्ष आफै दोैडधुपमा व्यस्त छन् ।