कोहलपुर / कोहलपुर नगरपालिका वडा नं १० डुढुवा खोला (बन्दा) मा डुबेर बुधबार साँझ तीन युवाको मृत्यु भएको छ ।

खोलामा पौडी खेल्ने क्रममा नेपालगञ्ज उपमहानगरपालिका सदरलाइनका रसिद जशगढ (बर्ष १८), नेपालगंज श्रृष्टिहल लाइन वडा नं ११ का अरमान जशगढ (बर्ष १८) र आरीस जशगढ (बर्ष १७) खोलामा डुबेर मृत्यु भएको ईलाका प्रहरी कार्यालयले जनाएको छ ।

ईलाका प्रहरी कार्यालय कोहलपुरले तुरुन्त घटनास्थलमा गोताखोर टोली परिचालन गरी मृतक तीन जनाकाे शव फेला पारेकाे न्यूज नमस्तेका संवाददाताले घटनास्थलबाट जानकारी गराएका छन् भने शवलाइ पाेष्टमार्टमका लागि अस्पताल पठाइएकाे छ ।

पाँच जना मध्ये दुई जना नेपालगञ्ज उपमहानगरपालिका वडा नं १२ का अमन जशगढ र नेपालगञ्ज वडा नं १६ का इरफान जशगढ सकुशल रहेको प्रहरीले बताएको छ ।
पौडी खेल्न गएका पाचै जना सुनको गरगहना बनाउने काम गर्ने गरेकाे बताइएकाे छ । साथै उनीहरुले घरमा थाहै नदिई पौडी खेल्न गएको बताएका छन् । घटनाबारे थप अनुसन्धान भैरहेको प्रहरीले जनाएको छ ।