कोहलपुर / कोरोना भाइरसका कारण लामो समयदेखी शैक्षिक संस्थाहरु बन्द छन् । बाँकेका विभिन्न विद्यालयमा अध्ययनरत विद्यार्थीले विद्यालयमा गएर अध्ययन गर्न नपाएको झण्डै २ पुग्न थालिसकेको छ ।

सामुदायिक र संस्थागत विद्यालयहरु नखुल्दा विद्यार्थीहरु घरयासी काममा व्यस्त देखिन्छन् । स्कुल बन्द हुँदा घाँस काट्ने, गाईवस्तुको स्यारसुहार गर्नुपर्ने बाध्यता रहेको कोहलपुर नगरपालिका वडा नं.४ कि सम्झना केसी बताउँछिन् ।

सम्झना कक्षा ९ कि छात्रा हुन । उनी ८ कक्षामा पनि राम्रो संग अध्ययन गरेर परिक्षा दिन पाइनन् स्कुल कहिले खुल्छ थाहा छैन, आफ्नो पढाई बिर्गदै गएको र अन्य वैकल्पीक माध्यमबाट अध्ययन गरेतापनी शिक्षकको निगरानीमा गरेको अध्ययन प्रभावकारी हुने उनमा विश्वास रहेको छ ।

एकातर्फ लामो समयसम्म विद्यालय बन्द हुँदा विद्यार्थीहरुको कुलतको संगतमा फस्ने, घुमफिरमा व्यस्त देखिन थालेको कोहलपुर नगरपालिका वडा नं. ५ का अभिभावक पूर्ण बहादुर घर्तीको भनाई रहेको छ । सम्झना एक उदाहरणकी पात्र मात्र हुन । उनी लगायत सयौँ विद्यार्थीहरुको भविष्य कोरोना भाइरसका कारण तहसनहस भएको छ । यकातर्फ मूगु खप्पड गाँउपालिकाका वडा नं. ३ का मनशिह बुढा जुम्लाबाट प्राविधिक शिक्षा अध्ययन गरेर लोक सेवा आयोगको तयारीमा छन् । कोरोना भाइरसका कारण समय समयमा परिक्षा रद्ध भएका कारण परिक्षा तयारीमा प्रभाव परेको बताउँछन् । उनी भन्छन् यस वर्षको आयोगमा जसरी पनी नाम निकाल्न सफल हुने योजना बनाएतापनी परिक्षा तयारी गर्न नपाउँदा आश नै मरिसकेको बताए ।

शिक्षाले आर्थिक, सामाजिक, बौद्धिक रूपमा सबल भई व्यक्ति, समाज हुँदै देशकै जीवनस्तर उकास्न अतुलनीय सहयोग गर्छ । विडम्बना, शैक्षिक योग्यता हाँसिल गरी सफलताको सपना बुनेका लाखौँ विद्यार्थीहरु कोरोना महामारीले विद्यालयमा पठन पाठन ठप्प हुँदा अन्यौल र चिन्तित देखिन्छन् । यहाँका विद्यालयहरु विश्वव्यापी रूपमा विकसित प्रविधिको पहुँच र प्रयोगमा पछाडि रहेका कारण उज्ज्वल भविष्यको गति समातेका हजारौं विद्यार्थी सहजताको अनिश्चित पर्खाइमा छन् । उच्च शिक्षा पढिरहका बिद्यार्थीहरुलाई पनि बन्दको नराम्रो असर परिरहेको छ ।

सधै जसो विद्यार्थी, शिक्षकको चहल पहल हुने विद्यालयहरुका गेटमा यतिबेला ताला झण्डिएका छन् । शिक्षामा अमुल्य योगदान पुर्याउँदै आएका शिक्षकहरु यतिबेला फुर्सदिला भएर घरैमा बस्नु पर्ने बाध्यता छ । बाँकेमा रहेका संस्थागत विद्यालयले विद्यार्थीहरुका लागि अनलाइन कक्षा संचालन गरेतापनी सामुदायिक विद्यालयमा सो व्यवस्था प्रभावकारी हुन समेत सकेन् । अनलाइन कक्षा संचालनका लागि विद्यार्थीहरु संग अनिवार्य मोवाइल , इन्टरनेटको पहुँज हुनुपर्छ तर बिपन्न तथा असाय परिवारका विद्यार्थीहरुका लागि सो सुविद्या व्यवस्थापनमा समेत कठिन रहेको छ ।